Biha Kappa v2.p365

v2.p365

[gilāṇapagayaṃ vaṇavāsīe jarakumārassa pauppae jitasattū nariṃdassa aṃgayā sasao bhisao ya bhāugā pavvaiyā | tesi bhaiṇī sugumāliyā ṇāma rūpavaī | sā tehiṃ pavvāviyā mahattariyāe dinnā | tīse rūvummattā bahave taruṇā eṃti saṃjaīya paḍissayaṃ taccittā acchaṃti | saṃjaīo ṇa taraṃti paḍilehaṇādī kāuṃ | tāhe tā mahattariyāe sasa-bhisayā bhaṇṇaṃti-sukumāliyāe taṇaeṇaṃ mama aṇṇāo vi viṇassahiṃti to pheḍettā tubbhe aṇṇattha sāraveha | te vīsuṃ uvassayaṃ gahāya bīsuṃṭhaviyā ego hiṃḍai | ego rakkhai | do vi bhāyāro sāhassimallā | je eṃti te hatavihatalutte kareṃti | ego hiḍaṃto tiṇha pajjattaṃ ṇa roeti', bitio vi pacchā hiṃḍaṃto saṇṇiyaḍhesu diṇṇabhikkheṇa roei2 | so bhaṇatitubbhe mā dukkhiyā hoha | ahaṃ bhattaṃ paccakkhāmi | paccakkhāe māraṇaṃtiyasamugghāeṇaṃ samohayā | tehiṃ ṇāyaṃ kālagaya tti | egeṇaṃ uvagaraṇaṃ, egeṇaṃ sā gahiyā gacchaṃtāṇaṃ tāe īsi tti bhāuphāso vedito | sāijjaṃtaṃ ca | pariṭhavittā gatā | iyarī rattī vāeṇaṃ samāsatthā gose egeṇaṃ satthavāhaputteṇaṃ diṭṭhā | tāe so bhaṇio-jai te mae kajjaṃ to sāravehiṃ | sā teṇa sāraviyā | mahilā se jātā | te bhāyāro aṇṇayā hiṃḍaṃtā daṭuṃ pāesu paḍiyā paruṇṇā jāṇitā ya puṇo nikkhāmiyā | evaṃ jai tāva tae samugghāyagayāe sāijjiyaṃ kimaṃga puṇa iyarīe gilāṇīe ?
[suttaṃ] niggaṃthaṃ ca ṇaṃ gilāyamāṇaṃ mātā vā bhagiṇī vā dhūtā vā palissaejjā, taṃ ca niggaṃthe sātijjejjā, mehuṇapaḍisevaṇapatte āvajjati cāummāsiyaṃ parihāraṭṭhāṇaṃ aṇugghātiyaṃ ||4-15||
"niggaṃthaṃ ca ṇaṃ0" suttaṃ uccāreyavvaṃ | eseva gamo niyamā, niggaṃthīṇaṃ pi hoti nātavyo | tāsiṃ kula pavvajjā, bhattapariṇṇā ya bhātummi ||5260|| viulakule pavvaite, kappaṭṭaga kiḍhiyakālakaraṇaṃ ca | jovvaṇa taruṇī pellaṇa, bhagiṇī sārakkhaṇā vīsuṃ ||5261|| so ceva ya paḍiyaraṇe, gamato juvatijaṇa vāraṇa pariṇṇā | kālagato tti samohato, ujjhaṇa gaṇiyā purisavesī ||5262||
"eseva gamo0" ["viulakule0" "so ceva ya0"] gāhā | niggaṃthasuttaṃ pi emeva vibhāsiyavvaṃ, jahā niggaṃthīsuttaṃ | navaraṃ doṇhaṃ saṃjaiṇaṃ bhāuo pavvaio3, surūvo, āyariyāṇaṃ dinno | so taruṇīhiṃ abhibhūyati teṇa vi bhattaṃ paccakkhāyaṃ | itthīphāso bhagiṇīe parijhuvio| purisapesaṇīe gaṇiyāe diṭṭho, gahio ya, patī se jāo | taheva diṭṭho, puṇo pavvaio |
||gilāṇapagayaṃ samattaṃ || 1. na lahai iti bhāvyam malavṛ | 2. na lahai iti bhāvyam malavṛ? 3. pavvāvio a ḍa|