Biha Kappa v2.p367

v2.p367

[ kālakkhettatikaṃtapagayaṃ emeva sesaesu vi, egatara virāhaṇā ubhayato vi |
asamādhi viṇayahāṇī, tappaccaya nijjarāe ya ||5267||
"emeva0" gāhā | 'emeva' tti dīgghajāti ya sāṇa-goṇādīṇaṃ dārāṇaṃ vibhāsā vattavvā | 'egatara' tti dharemāṇassa samudāṇaṃ dīhajāio sāṇo goṇo vā āgatā, tassa bhaeṇaṃ vihaḍapphaḍo bhāṇehiṃ saddavehiṃ gahitehiṃ khajjejja, te vā haṇijja, bhāṇaṃ vā bhiṃdejja | 'asamāhi' tti agaṇiṇā uṭṭhieṇaṃ vihaḍapphaḍo ḍajhejjā asamāhimaraṇaṃ | ahavā 'asamāhi' tti dharato dukkhaṃ acchati paritāvijjati | 'viṇae' tti pāhuṇago ejja, tassa vihaḍapphaḍattaṇeṇaṃ aṇuṭṭhihaṃtassa viṇayabhaṃgo, gahiehiṃ ya tehiṃ gilāṇassa uvvattaṇādīṇi na sakkei kāuṃ, tattha paritāvaṇā gilāṇassa, sajjhāyaṃ na sakkei paṭṭhaveḍaṃ, sajjhāyahāṇī, payalāyamāṇassa paloṭṭejjā, tattha uppilāvaṇapāṇa-jāiyāṇaṃ |
pacchittaparūvaṇayā, etesiṃ ṭhaveṃtae ya je dosā | gahitakaraṇe ya dosā, dosā ya pariḍhaveṃtassa ||5268||
"pacchittaparūvaṇayā0" gāhā | dīgghajāiyādīhiṃ khaiyassa :: 4 (caturguru) | paritāvaṇā aṇagāḍhādi | evaṃ gilāṇassa vi paritāvaṇādī uvakaraṇadāhe uvahinipphaṇṇaṃ, pāhuṇae anuṭṭhiyaṃtassa :: 4 (caturlaghu), sajjhāya apaṭṭhavaṇe 0| (māsaguru), bhāṇabhede eka 4 (caturlaghu) | nikkhivamāṇe bhāṇāṇa māsalahuṃ, ṇikkhittaṃti kāuṃ pariṭṭhavejja tattha pāriṭṭhāvaṇiyā dosā |
tamhā u jahiṃ gahitaṃ, tahi bhuṃjaṇe vajjiyā bhave dosā|
evaṃ sodhi ṇa vijjati, gahaṇe vi ya pāvatī bitiyaṃ ||5269||
"tamhā u0" gāhā | jāe porusīe gahitaṃ tāe cceva bhottavvaṃ | coyago bhaṇai-evaṃ sohī natthi, kahaṃ ? jāva bhikkhaṃ hiṃḍati tāva bitiyāo gāhati ||
evaṃ tā jiṇakappe, gacchammi cautthiyāem̐ je dosā | itarāsi kiṇṇa hotī, davve sesammi jataṇāe ||5270||
"evaṃ tā0" gāhā | āyario bhaṇati-jaṃ eyaṃ mae bhaṇitaṃ eyaṃ pi jiṇakappiyāṇaṃ | gacchavāsīṇa puṇa paḍhamae gahitaṃ jai cautthi uvāhaṇāveti to ete dosā bhavaṃti | coyago bhaṇaimajjhimiyāhiṃ porusīhiṃ dharetassa kiṃ ee dosā ṇa hoṃti ? āyariyo bhaṇai-hoṃti dosā | taṃ puṇa kāraṇe putte jayaṇāe kīrai | tae ṇa hoṃti dosā | taṃ puṇa hojjā ? -
1. māsalaghu a | 2. patte ḍa | bhutte iti bhāvyam ? malavṛ |