Biha Kappa v2.p370

v2.p370

bhāsagāhā-5275-5287] cauttho uddeso
sajjhāyalevasivvaṇabhāyaṇaparikammasaṭṭarādīhiṃ | sahasa aṇābhogeṇa va, uvādiyaṃ hojja jā carimaṃ ||5284||
"kāle tu0" ["paḍhamāe giṇhitūṇaṃ0" "sajjhāya0"] gāhādvayaṃ kaṇṭhayam | je puṇa paḍhamaporusīe ghettuṃ pacchillaṃ uvātiṇāveti eyassa tassa te ceva dosā | je jiṇakappiyāṇaṃ, paḍhamāe gahie bitiyaṃ uvāyaṇāveṃtāṇaṃ |
āhaccuvāiṇāviya, vigicaṇa pariṇa'saṃtharaṃtammi | annassa geṇhaṇaṃ bhuṃjaṇaṃ ca asatīऍ tasseva ||5285||
“āhacca0" gāhā | kayāi pacchillā uvāyaṇāviyā hojja, tāhe vigiceti | divasāvasesaṃ paccakkhāveṃti | aha na caeṃti aṇṇaṃ giṇhaṃti | jati na labhejja, appajjattaṃ vā labhejja, tāhe tasseva jayaṇāe bhuṃjaṇā | kā jayaṇā? jahā-agītatthā ṇa jāṇaṃti taṃ ceveyaṃ jadhā' aṇṇāvadeseṇaṃ bhuṃjaṃti |
bitiyapadeṇa gilāṇassa kāraṇā adhavuvātiṇe ome|
addhāṇa pavisamāṇo, majjhe adhavā vi uttiṇṇo ||5286||
"bitiyapadeṇa" gāhā | biiyapade uvāiṇāvejja bhuṃjejja ya gilāṇassa aṭṭhāe, gilāṇakicce ṇa vā vāvaḍo, tāva jāva pacchimā ogāḍhā, osahapāuggādīṇi vā maggaṃtassa ogāḍhā | evaṃ bhuṃjejjā | sesaṃ kaṇṭhyam |
[suttaṃ] no kappai niggaṃthāṇa vā niggaṃthīṇaṃ vā | asaṇaṃ vā pāṇaṃ vā khāimaṃ vā sāimaṃ vā paraṃ addhajoyaṇamerāe uvāyaṇāvittae | se ya āhacca uvāiṇāvie siyā taṃ no appaṇā am̐jijjā jāva āvajjati cāummāsiyaṃ parihāraṭṭhāṇaṃ ugghātiyaṃ ||4-17||
paramaddhajoyaṇāo, ujjāṇa pareṇa caugurū hoti |
āṇādiṇo ya dosā, virāhaṇā saṃjamā''yāe ||5287||
"paramaddhajoyaṇāo0" gāhā | acchau tāva, addha joyaṇāo ujjāṇapareṇaṃ jati uvāyaṇāveti :: 4 (caturguru) | kayare te dosā ?