Biha Kappa v2.p377

v2.p377

[aṇesaṇijjapagayaṃ vātādīṇaṃ khobhe, jahaṇṇakālutthie visā''saṃkā|
avi jujjati annavise, ṇeva ya saṃkāvise kiriyā ||5326|| "abhioga0" ["kicchāhi0" "vātādīṇaṃ0"] gāhā | kaṇṭhyā |
kei puṇa sāhiyavvaṃ, assamaṇo haṃ ti paḍigamo hojja | dāyavvaṃ jataṇāe, ṇāe aṇulomaṇā''uṭṭī ||5327||
"kei puṇa0" gāhā | kaṇṭhyā | kei āyariyā bhaṇaṃti | phuḍaṃ sāhiyavvaṃ tava kappai ceva eyaṃ | evaṃ vutte kayāi so bhaṇejjā-to nāma ahaṃ asamaṇo jaṃ samaṇāṇaṃ ṇa kappai taṃ mama kappai tti kāuṃ teṇa niratthayaṃ mama siratuṃḍamuṃḍaṇaṃ | tāhe imehiṃ pannaveyavvo |
abhinavadhammo si abhāvito si bālo va taṃ si aṇukaṃpo| tava cevaṭṭhā gahitaṃ, bhuṃjijjā to paraṃ chaṃdā ||5328|| kappo cciya sehāṇaṃ, pucchasu aṇṇe vi esa hu jiṇāṇā | sāmāiyakappaṭhitī, esā suttaṃ cimaṃ beṃti ||5329|| paratitthiyapūyāto, pāsiya vivihātauṃ saṃkhaḍīto ya | vippariṇamejja sedho, kakkhaḍacariyāparissaṃto ||5330|| nāūṇa tassa bhāvaṃ, kappati jataṇāem̐ tāhe dāuṃ je |
saṃtharamāṇe deto, laggai saṭṭhāṇapacchitte ||5331||
"abhinavadhammo0" ["kappo cciya0" "paratitthiyapūyāto." "nāūṇa tassa0"] gāhādvayaṃ kaṇṭhyam |
sehassa va saṃbaṃdhī, tārisamicchaṃte vāraṇā ṇatthi | kakkhaḍe va mahiḍḍīe, bitiyaṃ addhāṇamādīsu ||5332||
"sehassa va0" gāhā | sehassa sannātayā te virūvarūvaṃ bhattaṃ ghettuṃ āgaṃtuṃ sehaṃ nimaṃtejjā| tāhe seho āyariyaṃ pucchejja, geṇhāmi mā so na vaṭṭai vāreuṃ mā giṇhāhi| jati tā vārei :: | (caturguru), vippariṇamejja | atra vyākhyā
nīyagāva keī tu virūvarūvaṃ, āṇejja bhattaṃ aṇuvaṭṭhiyassā| sa cāvi pucchejja jatā tu there, tadā ṇa vāreṃti ṇaṃ mā gurūgā ||5333||