Biha Kappa v2.p379

v2.p379

visesacuṇṇi [kappaṭṭhiyākappaṭṭhiyapagayaṃ [kappaṭṭhiyākappaṭṭhiyapagayaṃ] [suttaṃ] je kaḍe kappaṭṭhitāṇaṃ kappati se akappaṭṭhitāṇaṃ, no se kappati kappaṭṭhitāṇaṃ | je kaḍe akappaṭṭhitāṇaṃ ṇo se kappati kappaṭṭitāṇaṃ kappati se akappaṭṭhitāṇaṃ | kappe ṭhitā kappaṭṭhitā, akappe ṭhitā akappaṭṭhitā ||4-19||
"je kaḍe kappaṭṭhiyāṇaṃ0" suttaṃ uccāreyavvaṃ | sambandho gāhāsiddho | sutteṇeva u jogo, missiyabhāvassa pannavaṇaheuṃ | akkheva ṇiṇṇao vā, jamhā tu ṭhito akappammi ||5339|| kappaṭhitiparūvaṇatā, paṃceva mahavvayā caujjāmā |
kappaṭṭitāṇa paṇagaṃ, akappa caujāma sehe ya ||5340|| [ni0]
["sutteṇeva0"] "kappaṭhiti0" gāhā | kaḍaṃ nāma āhākammiyaṃ | kappaṭṭhiyā nāma jesiṃ paṃcayāmo dhammo | akappaṭṭhiyāṇaṃ cāujjāmo dhammo | seho ya akappaṭṭhiyo jeṇa sāmāiyasaṃjao | jayā uvaṭṭhāvio hohiti tayā kappaṭṭhio | esa parūviyā kappaṭṭiī | tassa puṇa imā uppattī | ādhākammassa sarae |
sālī ghaya gula gorasa, ṇavesu vallīphalesu jātesu | puṇṇaṭṭha karaṇa saḍḍhā, āhākamme ṇimaṃtaṇatā ||5341|| āhā ahe ya kamme, ātāhamme ya attakamme ya | taṃ puṇa ādhākamma, ṇāyavvaṃ kappate kassa ||5342||
"sālī0" ["āhā ahe ya0"] gāhā | taṃ puṇa ādhākammaṃ kassa kappai na kappai vā ? tattha imāṇi cattāri dārāṇi -
saṃghassa purimapacchimamajjhimasamaṇāṇa ceva samaṇīṇaṃ | cauṇhaṃ uvassayāṇaṃ, kāyavvā maggaṇā hoti ||5343|| saṃghaṃ samuddisittā, paḍhamo bitio ya samaṇasamaṇīo| tatio uvassae khalu, cautthao egapurisassa ||5344|| "saṃghassa purima0" [“saṃghaṃ samuddisittā0"] gāhādvayam | tattha saṃgha iti oheṇaṃ