Biha Kappa v2.p384

v2.p384

[gaṇaṃtarovasaṃpayapagayaṃ ]
[suttaṃ] bhikkhū ya gaṇāo avakkamma icchejjā annaṃ gaṇaṃ uvasaṃpajjittāṇaṃ viharittae, no se kappati aṇāpucchittā āyariyaṃ vā uvajjhāyaṃ vā pavattiṃ vā theraṃ vā gaṇi vā gaṇadharaṃ vā gaṇāvacchetiyaṃ vā annaṃ gaṇaṃ uvasaṃpajjittāṇaṃ viharittae, kappati se āpucchittā āyariyaṃ vā jāva gaṇāvacchetiyaṃ vā aṇṇaṃ gaṇaṃ uvasaṃpajjittāṇaṃ viharittae | te ya se viyarejjā evaṃ se kappatti annaṃ gaṇaṃ uvasaṃpajjittāṇaṃ viharattae, te ya se no vitarejjā evaṃ se no kappati aṇṇaṃ gaṇaṃ uvasaṃpajjittāṇaṃ viharittae ||4- 20||
“bhikkhū ya icchejjā annaṃ gaṇaṃ uvasaṃpajjittāṇaṃ viharittae" evaṃ tiṇṇi suttāṇi 1 uccāreyavvāṇi | sambandho
kappao va akappaṃ, hojja akappā va saṃkamo kappe |
gaṇi gacche va tadubhae, cutammi aha suttasaṃbaṃdho ||5362||
“kappāo0” gāhā | ‘gaṇi' tti āyariyassa gacche 'tadubhaye' tti sutta'tthāṇi cūyāṇi esa saṃbaṃdho | idāṇiṃ vyākhyā–
tiṭṭhāṇe avakamaṇaṃ, ṇāṇaṭṭhā daṃsaṇe carittaṭṭhā |
pucchiūṇa gamaṇaṃ, bhīto ta niyattate kotī ||5363|| [ ni0 ]
“tiṭṭhāṇe avakamaṇaṃ0" gāhā | ṭhāṇaṃ ti vā kāraṇaṃ ti vā egaṭṭaṃ | tāṇi puṇa tiṇṇi imāṇi kāraṇāṇi 1 nāṇaṭṭhā 2 daṃsaṇaṭṭhā 3 caritaṭṭhā | nikkāraṇe puṇa jai aṇṇagaṇaṃ uvasaṃpajjai :: 4 (cauguru) | āṇādī | tamhā nikkāraṇe na gaṃtavvaṃ | kāraṇe vi jai aṇāpucchā gacchai :: | 4 (caturguru) tamhā āpucchitavvaṃ | nāṇaṭṭhāe tāva bhaṇṇati-tammi gacche jāvatiyaṃ suttaṃ asthi, taṃ savvaṃ gahitaṃ keṇai sādhuṇā, tassa ya atthi sattī, jaṃ nāhīyaṃ taṃ ghettuṃ je aṇṇagaṇe taṃ atthi jaṃ teṇa ṇāhīyaṃ, tāhe so āyariyaṃ āpucchittā jāi, āyarieṇa ya visajjiyavvo | evaṃ ṇāṇaṭṭhāe gamaṇaṃ, tassa ya āpucchiuṃ vaccaṃtassa ime aiyārā hojja, te parihariyavvā | 'bhīto ya niyatta koti' esa paḍhamo aiyāro | aṇṇesiṃ, imā gāhā
1. evamagretanamapi sūtrāṣṭakamuccāraṇīyam | athāsya sūtranavakasya kaḥ sambandhaḥ ? iti malavṛ |
-