Biha Kappa v2.p388

v2.p388

bhāsagāhā-5374-5382] cauttho uddeso
797 "annaṃ abhidhāreu0" gāhādvayam (?) | jo so ṇāṇaṭṭhāe saṃpaḍhio aṇṇagaṇaṃ souṃ jaṃ abhidhāreuṃ saṃpaṭṭio, esa anno tti adhikṛtaḥ, taṃ annaṃ abhidhāreuṃ saṃpaṭṭio, aha navaraṃ parisellassa uvasaṃpanno apaḍisseho vā jeṇaṃ kaḍḍio tassa uvasaṃpanno, annassa kassayi uvasaṃpanno 'pavisaṃte' tti uvasaṃpajjai jai taṃ kulatherā tae guravaḥ, ādigrahaṇeṇaṃ gaṇathera-saṃghatherā vā ṇāuṃ-jahā esa annaṃ āyariyaṃ abhidhāreṃto saṃpaṭṭhio paṃthāo vippariṇamittā ettha paviṭṭho kaḍḍiuṃ vā apaḍiseho ya acittādīe ehiṃ paṃthe uppāiyā eesiṃ dinnā eyaṃ ṇāuṃ |
te do'vuvālabhittā, abhidhārejjaṃteṃ deṃti taṃ therā| ghaṭṭaṇa vicālaṇaṃ ti ya, pucchā vipphālaṇegaṭṭhā ||5379||
"te do'vuvālabhittā0" gāhā | 'te do vi' tti apaḍisedha kaḍḍagaṃ jo parisillassa uvasaṃpanno, dogahaṇeṇaṃ je ya paviṭṭhā| ee uvālabhittā jo so puvvābhidhārio tassa deṃti sehādi | ghaṭṭaittā nāma pucchittā-kassa abhidhāreuṃ saṃpaṭṭhiya ? tti |
ghaṭṭeuṃ saccittaṃ, esā ārovaṇā u avihīte| bitiyapadamasaṃvigge, jayaṇāem̐ kayammi to suddho ||5380||
"ghaṭṭeuṃ0" gāhā | 'esā ārovaṇā tu avihīya' tti apaḍisehagattaṃ kareṃtassa parisillattaṃ ca kareṃtassa jaṃ pacchittaṃ puvvaṃ taṃ avihīe kareṃtassa, vihie puṇa parisillattaṃ kareṃto suddho | kā puṇa vihī ? "biiyapadaṃ0" pacchaddhaṃ | apaḍisehattaṃ pi kareṃto suddho | kā puṇa vihī? ucyate
abhidhāreto pāsatthamādiṇo taṃ ca jati sutaṃ asthi |
je a paḍisehadosā, te kuvvaṃto vi ṇiddoso ||5381||
"abhidhāreto0" gāhā | 'ghaṭṭeuṃ' tti pucchittā ṇāuṃ jahā pāsatthāī abhidhāreuṃ saṃpaṭṭhio evaṃ jāṇittā paḍisehagattaṃ kayaṃ āyarieṇaṃ, evaṃ kareṃto suddho | suddho tti vā niddoso tti vā egaṭuṃ| "taṃ ca jai suyaṃ atthi" tti jo so paḍisehaṃ karei tassa jai taṃ suyaṃ atthi |
jaṃ paṇa saccittātī, taṃ tesiṃ deti ṇa vi sayaṃ geṇhe| bitiya'ccitta ṇa pese, jāvatiyaṃ vā asaṃtharaṇe ||5382||
"jaṃ puṇa0" gāhā | jaṃ tassa apaḍisehassa sacittahatthe āsi taṃ pāsatthādīṇaṃ deṃti, na appaṇā kaḍḍeuṃ giṇhai | biiyapadeṇaṃ acittaṃ ṇa pesejjā vi | te saṃtharaṃti tāhe jāvatieṇaṃ tesiṃ pajjattaṃ bhavati ghettuṃ sesaṃ pāsatthādīṇaṃ peseṃti | "acitta ṇa pese" tti acittaṃ pi na pesejja |