Biha Kappa v2.p391

v2.p391

[gaṇaṃtarovasaṃpayapagayaṃ hojja akhettaṃ vā | akhettaṃ nāma apariggahiyaṃ iṃdaṭṭhāṇādi vā | tatra ābhāvyavyākhyā -
khettammi khettiyassā, khettabahiṃ pariṇae purillassa| aṃtara pariṇaya vippariṇae ya ṇegā u maggaṇatā ||5394||
"khettammi0" puvvaddhaṃ kaṇṭhyam | “aṃtara pariṇaya0" pacchaddhaṃ | pavvajjāe pariṇao jati aṃtaratare vippariṇamei ettha khettaṃ akhettaṃ vā dhammakahiyassa rāgaddosaṃ paḍucca aṇegāo maggaṇāo| vippariṇao samāṇo jai dhammakahio ujjū kahayai, na purillassa vā rāgeṇaṃ kahayati to khettammi khettiyassa akhette purillassa | aha vippariṇaeṇa rāgeṇa ṇa kahei jāhe khettāo niggao hohiti tāhe kāhehāmi tti niggae kahie pariṇo khettiyassa | evaṃ vibhāsā |
vīsajjiyammi evaṃ, avisajjiem̐ caulahaṃ ca āṇādī| tesi pi huṃti lahugā, avidhi vidhī sā imā hoti ||5395|| "vīsajjiyammi0" gāhā | yadetaduktam adhastādetaṃ visajjiyassa |
idāṇiṃ avisajjiyassa bhaṇṇai-mā ṇaṃ visajjīhāmi tti aṇāpucchiu vaccai :: (caturlaghu), visajjio doccaṃ aṇāpucchiuṃ jāi māsalahuṃ | kei bhaṇaṃti-eyaṃ pāḍicchiyassa sīsassa :: (caturguru), jehiṃ sakāsaṃ gao te aṇāpucchā gayaṃ paḍicchaṃti :: (caturlaghu), paḍicchayaṃ sīsaṃ :: (caturlaghu), jaṃ cābhavvaṃ na labhaṃti aṇāpucchāgayaṃ paḍicchaṃto | so puṇa āyariyo imehiṃ kāraṇehiṃ ṇa visajjei -
parivāra pūyaheḍaṃ, avisajjaṃte mamattadosā vā |
aṇulomeṇa gamejjā, dukkhaṃ khu vimuṃciuṃ guruṇo ||5396|| "parivāra0" gāhā | kaṇṭhyā | imā āpucchaṇavihīnāṇammi tiṇṇi pakkhā, āyariyaujjhāyasesagāṇaṃ ca | ekkekka paṃca divase, adhavā pakkheṇa ekkekkaṃ ||5397||
"nāṇammi0" gāhā | se nāṇaṭṭhāe gaṃtukāme tiṇṇi pakkhā āpucchiyavvā | tattha imo vihī jo tammi gacche āyariyo anno teṇaṃ pratidivasaṃ āpucchāveṃti | jadi ṇa visajjai to uvajjhāeṇa paṃcadivasā | jai na visajjei to gacchellaehiṃ paṃcadivase esa egapakkho gao | tāhe bīyapakkhe puṇo evaṃ ceva paṃca paṃca divase āyariye uvajjhāe gacchehi | evaṃ taiyaṃ vi pakkhaṃ | ahavā pratidivasaṃ pakkhaṃ āyariyeṇaṃ, bīyapakkhaṃ uvajjhāeṇa, taiyaṃ pakkhaṃ gaccheṇa |