Biha Kappa v2.p402

v2.p402

cauttho uddeso kesu puṇa sīyai ? paḍileha diyatuaṭṭaṇa, nikkhiva ādāṇa viṇaya sajjhāe |
ālogaṭhavaṇabhattaṭṭhabhāsapaḍalasejjātarāīsu ||5454||
“paḍileha." gāhā | paḍilehaṇiyaṃ doṇṇi kāle yathoktaṃ na kareṃti | divasato ṇivajjaṃti' suvaṃti ya | daṃḍādi ṇikkhavaṃtā ṇa paḍilehaṃti, ṇa pamajjaṃti | dupaḍilehiyaṃ dupamajjiyaṃ vā kareṃti | evaṃ ādāṇe vi geṇhaṇe tti bhaṇiyaṃ hoi | ahārihaṃ viṇayaṃ na pauṃjaṃti | suttaporusiṃ ṇa kareṃti, atthaporusiṃ vā|
sattavidhaṃ āloyaṃ ṇa kareṃti, saṃkhaḍipaloyaṇāe vā gacchaṃti | 'ṭhavaṇa' tti ṭhavaṇakulāī ṇa ṭhaveṃti, ṭhaviyagarahiyādīṇi vā bhuṃjaṃti | 'bhattaṭṭha' tti | maṃḍalīe ṇa samuddisaṃti | gāratthiyabhāsāhi ya bhāsaṃti | 'paḍalaga' tti paḍalaesa āṇīyaṃ bhuṃjaṃti | sejjāyarapiṃḍaṃ bhuṃjaṃti | ādigrahaṇeṇaṃ uggamādi asuddhaṃ gehaṃti | eesu jai gaccho sīyati ṇa āyariyo | tattha imo vidhī
coyāvei ya guruṇā, visīyamāṇaṃ gaṇaṃ sayaṃ vā vi |
āyariyaṃ sīdaṃtaṃ, sayaṃ gaṇeṇaṃ ca coyāve ||5455||
"coyāvei0" gāhā| āyariyāṇaṃ coyāvei | ahavā so sayaṃ ceva coei, jai puṇa gaccho na sīdai āyarito sīdai to sayaṃ vā coei, gaccheṇa vā coyāveti | jati do vi sīdaṃti tattha imā gāhā
daṇi vi visīyamāṇe, sayaṃ va je vā tahiṃ na sīyaṃti | ṭhāṇaṃ ṭhāṇā''sajja u, aṇulomāīhim̐ coeti ||5456|| "duṇṇi vi0" gāhā | kaṇṭhyā | coyaṇākālaprasiddhaye idamucyatebhaṇamāṇe bhaṇāviṃte, ayāṇamāṇammi pakkhau ukkoso| lajjāem̐ paṃca tinni va, tuha kiṃ ti va pariṇaya vivego ||5457||
"bhaṇamāṇe" gāhā | gacche sīyamāṇe āyarie asīdamāṇe | so puṇa āyariyo ṇa jāṇai jahā–gaccho sīdati | tattha sayaṃ coyeṃto gaccheṇa ya codāveṃto ukkoseṇaṃ pakkhaṃ acchai | āyarie puṇa sīyamāṇe imo kālo-lajjāe goraveṇa ya paṃca vā tiṇṇi vā divasāṇi abhaṇaṃto suddho | aha āyariyo bhaṇai-tava kiṃ jai ahaṃ sīdāmi taṃ chaṃḍato takkhaṇameva niravekkho jāi|
1. tuyaṭuṃti iti bhāvyam ? 2. na do vi sīdaṃtaṃ vā( gā)to a ḍa |