Biha Kappa v2.p413

v2.p413

[visuṃbhaṇapagayaṃ kusapaḍimāi niyattaṇa, mattaga sīse taṇāim̐ uvagaraṇe| kāussagga padāhiṇa, abbhuṭṭhāṇe ya vāharaṇe ||5501|| kāussagge sajjhāie ya khamaṇassa maggaṇā hoi| vosiraṇe oloyaṇa, subhā'subhagai nimittaṭṭhā ||5502||
"paḍilehaṇā0" ["kusapaḍimāi0" "kāussagge0"] dāragādhātrayam | tattha paḍilehaṇa tti dāraṃ | sā paḍilehaṇā vahaṇakaṭṭhassa thaṃḍilassa ya | tattha vahaṇakaṭṭhassa imaṃ
jaṃ davvaṃ ghaṇamasiṇaṃ, vāvārajaḍhaṃ ca ciṭṭhae baliyaṃ | veṇumaya dārugaṃ vā, taṃ vahaṇaṭṭhā paloyaṃti ||5503||
"jaṃ davvaṃ0" gāhā | kaṇṭhyā | idāṇi thaṃḍilassa | mahāthaṃḍillaṃ paḍilehiyavvaṃ | apaḍilehie ime dosā
atthaṃḍilammi kāyā, pavayaṇaghāto ya hoti āsaṇṇe |
chaḍḍāvaṇa gahaṇādī, paruggahe teṇa pehijjā ||5504|| "atthaṃḍilammi0" gāhā | paḍilehaṇaṃ ti gayaṃ | idāṇiṃ disa tti dāraṃdisa avaradakkhiṇā dakkhiṇā ya avarā ya dakkhiṇāpuvvā | avaruttarā ya puvvā, uttara puvvuttarā ceva ||5506|| samāhī ya bhattapāṇe, uvakaraṇe tumaṃtumā ya kalaho ya | bhedo gelannaṃ vā, carimā puṇa kaḍḍae aṇṇaṃ ||5507||
"disa avara0" ["samāhī ya0"] gāhā | avaradakṣiṇāe disāe mahāthaṃḍilaṃ paḍileheyavvaṃ | tīe ime guṇā bhavaṃti | bhatta-pāṇa-uvagaraṇa samāhī bhavati | eyāe disāe tinni thaṃḍilā paḍileheyavvā |
āsaṇṇa majjha dūre, vāghātaṭṭhā tu thaṃḍile tinni |
khettudayahariyapāṇā, ṇiviṭṭhamādī va vāghāe ||5507||
"āsaṇṇa0" gāhā | kiṃ kāraṇaṃ tinni paḍilehijjati ? vāghāo hojjā, khettaṃ kṛṣṭaṃ, udaeṇa vā bhāviyaṃ, hariyakkāo vā jāo, pāṇajāiehiṃ vā saṃsattaṃ, gāmo vā nivviṭṭho | ādigrahaṇeṇaṃ sattho āvāsio | paḍhamadisāe vijjamāṇīe jai dakkhiṇadisāe paḍilehaṃti 4