Biha Kappa v2.p435

v2.p435

844 visesacuṇṇi [mahānaīpagayaṃ jārisiyāo ya paṃca parūviyāo ya nāvā saṃtārime 'jaṃ jattha' tti saṃjama chakkāyacaulahugādī āyavirādhaṇā ya hojjā / evaṃ saṃtaraṇe / uttaraṇammi ti / apipadaṃ saṃbhāvane saṃtaraṇe vi :: 4 (caturlaghu), uttaraṇe vi :: 4 (caturlaghu) / suddhaṃ suddhaṇe ya / je saṃtaraṇe uktā doṣā te uttaraṇe vi| saṃkheveṇaṃ bhaṇiyaṃ / idāṇiṃ vitthāreṇaṃ bhaṇṇai aṇukaṃpā paḍiṇīyā, va hojja bahavo u paccavāyā ū / etesiṃ ṇāṇattaṃ, vocchāmi ahāṇupuvvīe // 5622 // "aṇukaṃpā0" gāhā / tattha aṇukaṃpā tāva bhaṇṇaichubhaṇaṃ jale thalāto, aṇṇe voyāritā chubhati sāhū / ṭhavaṇaṃ va patthitāe, daṭuṃ ṇāvaṃ va āṇetī // 5623 // "chubhaṇaṃ0" gāhā / nāvā vāṇijjao vā, nāvio vā bhaddavo sāhūṇaṃ, sāhuṃ pāsittā uttariukāma tti aṇukaṃpāe thalāo nāvaṃ jale chubhejjā / puvvavilaggā vā keti nāvāe tāhe sādhuṇā na māyaṃti tti kāuṃ taḍe uttārejjā, jale vā pakkhivejjā saṃpaṭṭhiyāe vā nāvāe sāhuṃ āgata tti kāuṃ ṇāuṃ ṭhavejja, parakūlāo vā daḍh ṇāvaṃ āṇejjā / nāviyasādhupadoso, ṇiyattaṇa'cchaṃtagā ya hariyādī / jaṃ teṇasāvaehi va, pavahaṇa aṇṇāem̐ kiṇaṇaṃ vā // 5624 // "nāviya0" gāhā / je te nāvāo uyāriyā te nāviyassa vā sāhūṇa vā padussejjā paduṭṭhā jaṃ karejjā tassa vibhāsā, je ya taḍe oyāriyā taḍe ṭhiyā / hariyādīṇaṃ virāhaṇaṃ kareṃti / jaṃ vā teṇa sāvaehiṃ pāvissaṃti / avahaṃti vā ṇāvaṃ pavāhejjā aṇṇaṃ / aṇukaṃ pāe imaṃ ṇidarisaṇaṃ majjaṇagato muruṃḍo, ṇāvaṃ daṭṭhaṇa appaṇā ṇeti / kahigā jati akkhevā, tati lahugā maggaṇā pacchā // 5625 // "majjaṇagato0" gāhā / pāḍaliputte gaṃgāe muruṃḍo ṇāvāe udae ramai / sāhuṇo parakūle pāsittā sayameva ṇāvaṃ neuṃ sādhuṇo āruhittā kahaṃ kaheha tti bhaṇai / kahāe āḍhattāe āḍhatto saṇiyaṃ kaḍḍhāvei / cireṇa uttāriyā / aṃtapure ya raṇṇā kahitaṃ / jadhā suṃdarāo kahāo taraṃgayādiāo kahayaṃti sāhavo aṃteuriyāṇaṃ kougaṃ jātaṃ / tāhe maggittā raṇṇā sāhuṇo pavesiyā| sutta'tthe palimaṃtho, ṇegā dosā ya ṇivagharapavese / saikaraṇa koueṇa, bhuttā'bhuttāṇa gamaṇādī // 5626 //