Biha Kappa v2.p444

v2.p444

[uvassayavihipagayaṃ] [suttaṃ] se taṇesu vā taṇapuṃjesu vā palālesu vā palālapuṃjesu vā appaṃḍesu appapāṇesu appabīesu appahariesu appussesu apputtiṃgapaṇaga dagamaṭṭiyamakkaḍagasaṃtāṇaesu ahesavaṇamāyāe no kappati niggaṃthāṇa vā niggaṃthīṇa vā tahappagāre uvassae hemaṃtagimhāsu vatthae // 4-34 // "se taṇesu vā taṇapuṃjesu vā0" suttaṃ uccāreyavvaṃ / saṃbandhoaddhāṇāto nilayaṃ, uviṃti tahiyaṃ tu do ime suttā| tattha vi uḍummi paḍhama, uḍummi dūijjaṇā jeṇaṃ // 5665 // ahavā addhāṇavihī, vutto vasahīvihiṃ imaṃ bhaṇaī| sā vī puvvaṃ vuttā, iha u pamāṇaṃ duviha kāle // 5666 // "addhāṇāto0" ["ahavā addhāṇavihī0"] gāhādvayam / uḍubaddhe pūrvaṃ sūtramucyatepaścādvāsāvāse kasmāt kāraṇāt ? yasmād uḍubaddha rīyijjati, teṇaṃ kāraṇeṇaṃ uḍubaddhe suttaṃ / puvvaṃ vāsāvāsasuttaṃ, pacchā duvidha kāle tti uḍubaddhe vāsāvāse ya / taṇagahaṇā''raṇataṇā, sāmagamādī usūiyā savve / sālīmāti palālā, puṃjā puṇa maṃḍavesu katā // 5667 // puṃjā u jahiṃ dese, appappāṇā ya hoṃti emādī / appa tiga paṃca satta ya, eteṇa ṇa vaccatī suttaṃ // 5668 // vattavvā u apāṇā, baṃdhaṇulomeṇimaṃ kayaṃ suttaṃ / pāṇādimādiesuṃ, ṭhaṃte saṭṭāṇapacchittaṃ // 5669 // thovammi abhāvammi ya, viṇiogo hoti appasahassa| thove u appamāṇo, appāsī appaniddo ya // 5670 // nissattassa u loe, abhihāṇaṃ hoi appasatto tti / louttare viseso, appāhāro tuaṭṭijjā // 5671 // biya maṭṭiyāsu lahugā, harie lahugā va hoṃti gurugā vā / pāṇuttiṃgadaesuṃ, lahūgā paṇae gurū cauro // 5672 //