Biha Kappa v2.p51

v2.p51

visesacuṇṇi [uvassayapagae āgamaṇagihādisuttāṇi "ajaṃtitā0" vṛttam | cilimiṇīe teṇāīyā dosā | 'kaḍādi' tti kaḍage āhākammadosā jīvaghāo ya | vaṃsīmūlassa vibhāsā -
jāo (jo ā) vaṇe vī ya bahiṃ gharassa, aliṃdao vā avasārigā vā | gehassa pāse pura piṭṭhao vā, taṃ vaṃsimūlaṃ kusalā vadaṃti ||3502|| "jāo vaṇe vī0" vṛttaṃ kaṇṭhyam | rukkhamūlassa abbhāvagāsiyāe ya imā vibhāsā
aḍhei va dārugādī, sauṇagaparihāra puppha phalamādī | evaṃ tu rukkhamūle, abbhāvāsammi siṇhāī ||3503||
"addhiṃ ca dārugādī0" gāhā | aḍhei dārugaṃ vā avarī viraggellayaṃ vāeṇa cāliyaṃ uvariṃ paḍejja, sauṇagapurisaṃ vā acchisi paḍejja, puṣpāṇi vā, phalāṇi vā eesu saṃjamavirāhaṇā | kaviṭṭhā dīsī saṃbhiṃdejja abbhāvāsammi senhādi tti seṇhā ussā, āisaddeṇa sacittarao vā paḍejja | senhāe ullaṃgīṇaṃ āyavirāhaṇā vi visūiyādīhiṃ | jamhā ee dosā tamhā ṇa ṭhāiyavvaṃ | bhave kāraṇaṃ ṭhāejjā vi |
addhāṇaniggayādī, tikkhutto maggiūṇa asatīye | vāḍagaāgamaṇagihe, iyarammi ya ṇiggahasamatthe ||3504||
"addhāṇa0" gāhā | 'vāḍagaāgamaṇagihe' tti-vāḍagassa taṃ majjhe āgamaṇagihaṃ deulādi "iyaraṃmi yatti sejjāyare ṇiggahasamatthe jai icchai śakto yaḥ tataḥ tatra vasaṃti |
jaṃ deulādī uṇivesaṇassā, majjhammi guttaṃ supurohaḍaṃ ca | aduṭṭhagammaṃ ṇa ya duṭṭhamajjhe, adūragehaṃ tahiyaṃ vasaṃti ||3505|| juvāṇagā je savigāragā ya, puttādao tujjha ihaṃ vasaṃti | mā te vi amhaṃ iha saṃvayaṃtu, icchaṃta satte ya vasaṃti tattha ||3506|| "jaṃ deulādī tu0" ["juvāṇagā0"] vṛttam | bhoiyakule va gutte, dujjaṇavajje vasaṃti u pautthe | mahataragādisu gutte, vaṃsīmūlammi ṭhāyaṃti ||3507||