Biha Kappa v2.p65

v2.p65

[sāgāriyapārihāriyapagayaṃ niggamagāi bahi ṭhie, aṃte khettassa vajjae savvaṃ | bāhiṃ taddiṇaṇīe, sesesu pasaṃgadoseṇa ||3569|| ṭhito jayā khettabahiṃ sagāro, bhattādiyaṃ tassa diṇe diṇe ya | acchiṇṇamāṇijjati nijjatī ya, gihā tadā hoti tahiṃ vi vajje ||3570||
"niggamādi bahi ṭṭhie0" ["ṭhito jayā0"] gāhā | jaṃ aṃto khettassa taṃ savvaṃ sejjāyarapiṃḍo ‘dosu vi avvocchinnaṃ'ti khettabāhiṃ ṭhiyassa jaṃ nijjai bhatta-pāṇaṃ so sejjāyarapiṃḍo | jaṃ āṇijjai pāriyāsiyaṃ ca na so sejjātarapiṃḍo, na puṇa gheppai | mā pasaṃgadoso hohiti | 'jaṃtammi jaṃ ca pāuggaṃ'ti |
bāhiṃ ṭhiya paṭhiyassa u, sayaṃ va saṃpatthiyā u geṇhaṃti | tattha u bhaddagadosā, ṇa hoṃti ṇa ya paṃtadosā u ||3571||
"bāhiṃ ṭhita0" gāhā | khettabāhiṃ ṭhiyassa jāe velāe saṃpaṭṭhio tāe velāe kappai| sāhuṇo vā saṃpaṭṭhiyā bāhiṃ ṭhio dei kappai jaṃ pāuggaṃ | aṃto vā khettassa sijjāyara kacchapuḍio saṃvavaharai | devakule vā saṃkhaḍiṃ karei | ṇāga-jannagādī kaṭṭhachedaṇimittaṃ vā aḍavī paviṭṭho jaṃ dei kiṃ sejjāyarapiṃḍo asejjāyarapiṃḍo ? ata ucyate
aṃto bahi kacchauḍiyādi vavaharaṃte pasaṃgadosā u | deula jaṇṇagamādī, kaṭṭhāda'ḍavi va vaccaṃte ||3572||
"aṃto bahi kacchauḍi0" gāhā | jaṃ aṃto khettassa taṃ savvaṃ sejjāyarapiṃḍo, jaṃ vā [bāhiṃ] khettassa taṃ na hoi sejjāyarapiṃḍo, pasaṃgadosehiṃ puṇa na kappai | 'asaī ya gharammi so cceva'tti [gā0 3568] pavesiyassa sejjātarassa ghare vi na kappai socceva sejjātarapiṃḍo |
etadevārthaṃ -
muttūṇa gehaṃ tu saputta dāro, vāṇijjamādī jati kāraṇehiṃ | sayaṃ va aṇṇaṃ va vaejja desaṃ, sejjātaro tattha sa eva hoti ||3573||
1. bāhiṃ vā khettassa ityadhikaṃ a ba i |