Biha Kappa v2.p70

v2.p70

bīo uddeso idāṇiṃ saṃsaṭṭhameliyamityarthaḥ | saṃsaṭṭhassa u gahaṇe, tahiyaṃ dosā ime pasajjaṃti | taṇṇīsāem̐ abhikkhaṃ, saṃkhaḍikārāvaṇaṃ hojjā ||3593|| "saṃsaṭṭhassa u gahaṇe0" gāhā | kaṇṭhyā | ala'mha piṃḍeṇa imeṇa ajjo !, bhujjo ṇa āṇeti jahesa itthaṃ | sāhū ṇa icchaṃti imassa dosā, amhe vi vajjemu ṇa kovi esa ||3594|| "ala'mha piṃḍeṇa" vṛttaṃ kaṇṭhyam ||
agammagāmī kilibo'havā'yaṃ, boṭṭī va hujjā se suṇādiṇā vā | dosā bahū teṇa jahiṃ sagāro, piṃḍaṃ ṇae tattha u ṇābhigacche ||3595||
"agammagāmī0" vṛttaṃ | kaṇṭhyam | navaraṃ 'boṭṭī va'tti viṭṭalā bhajjā se suṇādiṇā vā eyaṃ vijjaliyaṃ |
[suttaṃ]-no kappati niggaṃthāṇa vā niggaṃthīṇa vā sāgāriyapiṃḍaṃ bahiyā nīhaḍaṃ asaṃsaṭuṃ paḍiggāhittae | kappai niggaṃthāṇa vā niggaṃthīṇa vā sāgāriyapiṃḍaṃ bahiyā nīhaḍaṃ saṃsaṭuṃ paḍiggāhittae ||2-15||
bahiyā u asaṃsaḍhe, dosā te ceva mottu saṃsaṭuṃ | saṃsaṭṭhamaṇuṇṇāyaṃ, pecchau sāgārito mā vā ||3596|| [ni0] "bahiyā u0" gāhā | eīe gāhāe imāo vakkhāṇagāhāonīsa?masaṃsaṭṭho, vi apiṃḍo kimu parehi saṃsaṭṭho |
appattiyaparihārī, sagāradiṭuṃ pariharaṃti ||3597|| [ni0]
"nīsaṭṭamasaṃsaṭṭho vi0" gāhā | bahiyā ṇīṇettā-jahā niveio vāṇamaṃtarassa, jassa vā aṭṭhāe ṇīṇite tassa diṇṇo jayā bhavai so ṇisaṭṭho bhaṇṇai | so ṇisaṭṭho jai vi asaṃsaṭṭho annehiṃ collaehiṃ samaṃ amelio vi | apiṃḍo ṇāma ṇa so sāgāriyapiṃḍo | jai tāva esa sāgāriyapiṃḍo na bhavai, kimaṃgaṃ puṇa jo annehiṃ collaehiṃ samaṃ melio saṃto prāgeva so sāgāriyapiṃḍo ṇa bhavai ? so puṇa kappai jai sāgārio ṇa pāsai dijjaṃtaṃ | aha pāsai sāgārio to ṇa gheppai – mā se apattiyaṃ hohiti |
addiṭṭhassa u gahaṇaṃ, asatī tavvajjiteṇa diṭṭhassa | diḍhe va patthiyāṇaṃ, gahaṇaṃ aṃto va bāhiṃ vā ||3598|| [ni0]