Biha Kappa v2.p75

v2.p75

|| āhaḍiyanīhaḍiyāpagayaṃ || [suttaṃ]-sāgāriyassa āhaḍiyā sāgārieṇa paḍiggāhiyā, tamhā dāvae no se kappai paḍiggāhittae |
sāgāriyassa āhaḍiyā sāgārieṇa appaḍiggāhiyā, tamhā dāvae evaṃ se kappai paḍiggāhittae ||2-17|| ___ "sāgāriyassa āhaḍiyā0" suttaṃ uccāreyavvaṃ | sambandhaḥ
nīhaḍasāgaripiṃḍassa vivakkho āhaḍo aha u jogo | nīhaḍasutte puṇaravi, jogo saṃdaṭuo nāma ||3616||
"nīhaḍasāgari piṃḍassa0" gāhā | kaṇṭhyā | 'nīhaḍasutte' tti puṇaravi nīhaḍasuttaṃ hohiti | eṣa dvitīya sambandhaḥ - saṃdaṭṭhao nāma ādīe nīhaḍaṃ, majjhe āhaḍaṃ, avasāṇe nīhaḍaṃ|
āhaḍiyā u abhigharā, kulaputtaga bhagiṇi maṭṭigālitte | davve khette kāle, bhāvammi ya hoi āhaḍiyā ||3617|| [ni0]
"āhaḍiyā u0" gāhā | āhaḍiyā ṇāma jā bhajjī pesavijjati sā puṇa kimaṭṭhāe kassa vā pesavijjai ? ata ucyate
āesaṭṭhāisese2, sati kāle bhagiṇi saṃbharittāṇaṃ | bhajji bhajjāhatthe, kulao peseti bhagiṇīe ||3618||
"āesaṭṭhāisese0" gāhā| pāhuṇagassa aṭṭhāe aisesiṃ davvaṃ khajjagādi kayaṃ, sai kāle bhaiṇi saṃbharittā bhāryāhaste visajjei | sesaṃ kaṇṭhyam | tīe āhaḍiyāe pesitāe paḍigāhiyāe ya cattāri bhaṃgā | davvato paḍigāhiyā ṇa bhāvao, bhāvao paḍiggāhi[yā] ṇa davvao, davvao vi bhāvao vi paḍiggāhiyā| ṇa vi davvao ṇāvi bhāvao paḍiggāhiyā | paḍhamabhaṃgassa vyākhyā
ucchaṃgeṃ aṇicchāe, ṭhaviyā davvagahiyā ṇa puṇa bhāve | ettha puṇa bhadda paṃtā, aciyattaṃ ceva gheppate ||3619||
1. sakāra a ba ka ḍa i | 2. āesaṭṭavisese muca | āesaṭṭha visese muca |