Biha Kappa v2.p79

v2.p79

[āhaḍiyanīhaḍiyāpagayaṃ iti bhāvammi ṇiyatte, tehi adiṭṭhassa kappatī gahaṇaṃ |
chettādiṇiggatesu va, kappati gahaṇaṃ jahiṃ suttaṃ ||3634||
"nīyaṃ pi me0" [iti bhāvammi0 ] "nīyaṃ pi me ṇa gheppai" pacchaddheṇa vakkhāṇaṃ | 'vasaṇaṃ' sayaṇijjao mao, 'abbhudao' ussavavāvaḍā bhaṃḍaṇaṃ vatto (?) | sesaṃ kaṇṭhyam |
[suttaṃ]-sāgāriyassa nīhaḍiyā pareṇa apaḍiggāhittā, tamhā dāvae no se kappai paḍiggāhittae | sāgāriyassa nīhaḍiyā pareṇa paḍiggāhiyā, tamhā dāvae evaṃ se kappai paḍiggāhittae ||2-18||
"sāgāriyassa nīhaḍiyā0" suttaṃ uccāreyavvaṃ | nīhaḍiyā ṇāma sāgāriyassa gharāo annahiṃ ṇijjai |
paḍhama cautthā piṃḍo, bitio tatio ya hoti u apiṃḍo |
purato te vi vivajje, bhaddaga paṃtehiṃ dosehiṃ ||3635||
"paḍhama cautthā0" gāhā | nīhaḍiyā paḍhamacautthā bhaṃgā sejjāyarapiṃḍo, biiyataiyā piṃḍo addir̤ha kappai, didve bhaddagapaṃtadosā | bhaddago saṃchobhagamādī karei | paṃto imaṃ bhaṇejja -
keṇāvi abhippāeṇa dijjamāṇaṃ pi ṇecchiuṃ puṭvi | amhe obhāveṃtā, purao cciya ṇe paḍicchanti ||3636|| kiṃ taṃ na hoti amhaṃ ?, khettariyaṃ va kiṃ visamadosaṃ ? |
suvvatta sottigādiva, careṃti jatiṇo vi ḍaṃbheṇaṃ ||3637||
"keṇāvi0" ["kiṃ taṃ na hoti."] gāhādvayaṃ kaṇṭhyam | 'sottigāiva'tti dīyārā asūrānnikā' taṃdulādīni geṇhaṃti, ghare ṇa samuddisaṃti jaha tesiṃ daṃbho evaṃ tubbhe vi | uvaṇayavibhāsā | donha vi suttāṇaṃ imaṃ biiyapadaṃ |
duvihe gelannammī, ṇimaṃtaṇe davvadullabhe asive |
omodariya paose, bhae ya gahaṇaṃ aṇuṇṇāyaṃ ||3638|| nibbaṃdha nimaṃteṃte, bhaṇaṃti bhajji dalāhi jā esā | taṃ puṇa avigītesuṃ, gīyā itaraṃ pi geṇhaṃti ||3639||
1. = aśūdrānnikāḥ malavṛ |