Biha Kappa v2.p89

v2.p89

|| taio uddeso ||
|| niggaṃthīuvassayapavesapagayaṃ || [suttaṃ]–no kappai niggaṃthāṇaṃ niggaṃthīṇaṃ uvassayaṃsi ciṭṭhittae vā nisīittae vā tuyaṭṭittae vā nidāittae vā payalāittae vā, asaṇaṃ vā pāṇaṃ vā khāimaṃ vā sāimaṃ vā āhāraṃ āhārittae, uccāraṃ vā pāsavaṇaṃ vā khelaṃ vā siṃghāṇaṃ vā pariḍhavittae, sajjhāyaṃ vā karittae, jhāṇaṃ vā jhāittae, kāussaggaṃ vā ṭhāṇaṃ ṭhāittae ||3-1||
"no kappai niggaṃthāṇaṃ niggaṃthīṇaṃ uvassae āsaittae vā0" suttaṃ uccāreyavvaṃ |
sambandhaḥ
vatthāṇi evamādīṇi gaṇaharo geṇhiuṃ sayaṃ ceva | vaccati vatiṇīvasahi, pavattiṇīe paṇāmeuṃ ||3679|| bīehi u saṃsatto, bitiyassātimmi iha u itthīhiṃ | bitie uvassagā vā, pagatā ihaī pi so ceva ||3680|| tattha akāraṇa gamaṇaṃ, paḍucca suttaṃ imaṃ samuditaṃ tu |
kajjeṇa vā gate tū, tuvaṭṭamādīṇi vāreti ||3681|| "vatthāṇi0" ["bīehiṃ0" "tattha akāraṇa0"] gāthātrayaṃ kaṇṭhyam |
āpucchamaṇāpucchā, va akajje cauguruṃ tu vaccaṃte | āpucchiya paḍisiddhe, suddhā laggā uvehaṃtā ||3682|| cauro gurugā lahugā, māso gurugo ya hoti lahugo ya |
āyarie abhisege, bhikkhummi ya gīta'gītatthe ||3683|| "āpucchamaṇāpucchā0" ["cauro gurugā0"] gādhādvayaṃ kaṇṭhyam | jai