Biha Kappa v3.p101

v3.p101

evaṃ tā āyariyassa paṃcasu padesu āyariyādīṇo bhaṇiā |
idāṇi uvajjhāyo āyariyaṃ ālavati - kiha khamāsamaṇo ! vaṭṭati ? jo vā tassābhilāvo sariso, tusiṇīo acchai bhiṇṇamāso gurugo | jaṃ ceva āyariyassa uvajjhāe ālavaṇādisutaṃ ceva uvajjhāyassa vi āyarie ālavaṇādīsu | uvajjhāeṇaṃ uvajjhāyassa ālavaṃtassa tusiṇīo acchā lahugāo bhinnamāsāo āḍhattaṃ, uvajjhāeṇaṃ bhikkhussa ālavattassa tusiṇīe vīsāe gurugehiṃ āḍhattaṃ, therassa ālattassa vīsāe lahuehiṃ āḍhattaṃ, khuḍḍagassa paṇṇarasehiṃ gurugehiṃ āḍhattaṃ | evaṃ tāva uvajjhāyassa paṃcasu paesa āyariyādī gayaṃ |
bhikkhussa āyariyaṃ ālavaṃtassa paṇavīsa lahugādī | uvajjhāyassa tusaṇīe guruehiṃ vīsādi | bhikkhussa bhikkhuṃ vadaṃtassa lahugehiṃ vīsāe āḍhattaṃ bhikkhuṇā therassa ālatassa gurugehiṃ paṇṇarasehiṃ āḍhattaṃ khuḍḍaḍyassa paṇṇarasa lahuyādī | bhikkhuālavaṇādīhiṃ gayaṃ |
[ vayaṇaparāyaṃ
thereṇāyariyassa ālattassa vīsa gurugādī | thereṇa uvajjhāyassa ālattassa vīsahugāī | thereṇa bhikkhussa ālattassa paṇṇarasa gurugāī | thereṇaṃ there ālatte paṇṇarasa lahugāī | thereṇaṃ khuḍḍe ālattassa dasa gurugāī | thereṇaṃ ālavaṇāīhiṃ gayaṃ |
khuḍḍeṇaṃ āyariyassa ālatte tusiṇīe vīsa lahugāī | uvajjhāyassa paṇṇarasa gurugāī | bhikkhussa paṇṇarasa lahugāī | therassa dasa gurugāī | khuḍḍeṇaṃ khuḍḍaḍyassālattassa tusiṇīe dasarāiṃdiyā lahugādī | evaṃ ekkekkaṃ padaṃ ūssāretavvaṃ | evaṃ tāva niggaṃthāṇaṃ gayaṃ | idāṇi niggaṃthīṇaṃ
bhikkhusarisī tu gaṇiṇī, therasaricchī tu hoi abhisegā | bhikkhuṇi khuḍḍusaricchī, gurulahupaṇagāi do iyarā || 6111 ||
“bhikkhusarisī0” gāhā | jahā bhikkhussa tahā pavattiṇīe | abhisegā ya jahā thero, bhikkhuṇīe jahā khuḍḍo | 'iyare'tti therī khuḍḍī ya | therīe paṇṇarasehiṃ gurugehiṃ ātaṃ chaṭṭhe ṭhāṇe ṭhāi | khuḍḍīāe pavattiṇī ālattā tusiṇīyā paṇṇarasehiṃ lahugādisu ṭhāṇesu ālavaṇādīsu ekkekkaṃ padaṃ osāreyavvaṃ | pharusaggahaṇāt tajjātīyā ṇiḍurakakkasā sūiyā |
lahugo ya lahusamma, gurugo āgāḍha pharusa vayamāṇe | niḍurakakkasavayaṇe, gurugā ya patosao jaṃ ca || 6112||
"lahugo ya0" gāhā | lahusaparusae māsalahuṃ, āgāḍhapharuse 0| (māsaguru) | ahavā māsalahugādī jāva caulahugā | lahusae pharuse caugurugādī | āgāḍhapharuse niṭhuravayaṇe kakkasavayaṇe ya caugurugā | tattha kerisaṃ niṭhuraṃ -
nivveda pucchiyammiṃ, ubbhāmaila tti niṭhuraṃ savvaṃ | mehuṇa saṃsa kakkasāim̐ ṇivvega sāheti || 6113||