Biha Kappa v3.p102

v3.p102

bhāsagāhā-6111-6119] chaṭṭho uddeso
945 "nivveda pucchiya0" gāhārddham | keṇa ṇivveeṇa pavvaiosiṃ ? bhaṇai-ubbhamailā me bhoiyā | kakkase nivveyaṃ pucchito bhaṇai
mayaṃ va jaṃ hoi rayāvasāṇe, taṃ cikkaṇaṃ gujjha malaṃ jharaṃtaṃ | aṃgesu aṃgāi ṇigṛhayaṃtī, nivveyameyaṃ mama jāṇa some ! ||6114|| sakhedaṇīsaḍhavimukkagatto, bhāreṇa chinno sasaī va dīhaṃ | hīo mi jaṃ āsi rayāvasāṇe, aṇegaso teṇa damaṃ pavaṇṇo ||6115||
"mayaṃ va jaṃ hoi0" ["sakhedaṇīsa?vimukka0"] vṛttadvayam | appaṇijjatesu aṃgesu appaṇijjiyāṇi ceva aṃgāṇi ṇigṛhayai | evaṃ lajjae sakhedamātmīyo khedaḥ ṇisaṭṭe iti ṇicceṭṭho jahā bhāreṇaṃ chinno dīrghaṃ ni:śvasate || idāṇiṃ gāratthiyavayaṇaṃ
are hare baṃbhaṇaputtā, avvo bappo tti bhāya māmo tti | bhaṭṭiya sāmiya gomiya, lahuo lahuā ya guruā ya ||6116|| saṃthavamādī dosā, havaṃti dhī muṃḍa ! ko va tuha baṃdhū | micchattaṃ diya vayaṇe, obhāvaṇatā ya sāmi tti ||6117||
"are hare0" ["saṃthavamādī0"] gāhā | hare tti vā, are tti vā baṃbhaṇaputto tti vā bhaṇai māsalahu, avvo bappo tti bhāya māmo tti vā bhaṇai :: 4 (caturlaghu), bhaṭṭi tti vā gomiya tti vā bhaṇai :: | 4 (caturguru), āṇādī virāhaṇā-na tumaṃ jāṇasi ko vi ahaṃ ko tumaṃ are tti bhaṇasi | asaṃkhaḍādayo dosā | iyarāṇi vadaṃtassa ubbhāvaṇā pavayaṇe-etesiṃ pi ya mātādī pūyaṇijjā, aviratiyāu vadaṃtassa savisesatarā dosā |
idāṇi viusaviyaṃ vā puṇo udīrei |
khāmitavosavitāī, adhikaraṇāiṃ tu je uti | te pāvā ṇāyavvā, tesiṃ ca parūvaṇā iṇamo ||6118|| uppāyaga uppaṇṇe, saṃbaddhe kakkhaḍe ya bāhū ya |
āvaṭṭaṇā ya mucchaṇa, samughāya'tivāyaṇā ceva ||6119|| "khāmita0" ["uppāyaga0"] gāhā | asya vyākhyā-ahaṃ ṇāma tume tayā eyāṇi