Biha Kappa v3.p114

v3.p114

[ duggapagayaṃ ]
[suttaṃ] niggaṃthe niggaṃthiṃ duggaṃsi vā visamaṃsi vā pavvayaṃsi vā pakkhulamāṇi vā pavaḍamāṇi vā giṇhamāṇe vā avalaṃbamāṇe vā nāikkamai ||6-7||
" niggaṃthe niggaṃthiṃ duggaṃsi vā0" suttāṇi uccāreyavvāṇi |
sambandhaḥ
so puṇa dugge laggejja kaṃṭao loyaṇammi vā kaṇugaṃ | iti duggasuttajogo, thalā jalaṃ ceyare duvihe ||6182||
"so puṇa0" gāhā | jo so heṭṭhā anantarasuttesu dosu bhaṇio kaṃṭao laggo nīharijjati, acchimmi kaṇugaṃ laggaṃ so duggādisu laggejjā, esa saṃbadho duggasuttassa |
adhuṇā duggasuttāo uvarimasūtradvayasya sambandhaḥ ucyate - duggasutaṃ thalāt jalaṃ bhavati | 'iyara'tti seyasuttaṃ ca nāvāsuttaṃ ca etesiṃ duṇha vi esa saṃbaṃdho |
tivihaṃ ca hoti duggaṃ, rukkhe sāvaya maṇussaduggaṃ ca | ṇikkāraṇammi gurugā, tattha vi āṇādiṇo dosā ||6183||
“tivihaṃ ca0” gāhā | rukkhaduggaṃ kaḍillaṃ jatthahiṃ rukkhae tāhe' laggo paḍio | jattha sīhavagghādīṇaṃ bhayaṃ taṃ sāvayaduggaṃ | maṇūsaduggaṃ, teṇa milakkhu - bohiyā' | inikkāra geṇhai avalambati vā :: | 4 ( caturguru) | ime dosā
micchatte satikaraṇaṃ, virāhaṇā phāsa bhāvasaṃbaṃdho | paḍigamaṇādī dosā, bhuttā'bhutte va ṇeyavvā ||6184||
"micchatte0 " gāhā | jahā vādī tahā kārī na bhavaṃti | uḍḍāho ya - diṭṭho saṃjao evaṃ geṇhai avalaṃbati vā ṇūṇaṃ kiṃci vi se hoi | evaṃ diṭṭhe saṃkā bhoiyā, saikaraṇaṃ bhuktabhogīṇaṃ abhuttabhogīṇaṃ kotuhalaṃ bhāvasambadho bhavati | pacchā paḍigamaṇādī, tamhā ṇa ghettavvā |
1. vā paṃthae i | jattha pāvai paṃthe rukkhā paḍio ḍa | yadvṛkṣairatīvagahanatayā durgam, yatra vā pathi vṛkṣa patitaḥ tadvṛkṣadurgam malavṛ | 2. caura: (pāsama 639) |
=