Biha Kappa v3.p115

v3.p115

[duggapagayaṃ tivihaṃ ca hoti visamaṃ, bhūmi sāvaya maṇussavisamaṃ ca | tammi vi so ceva gamo, nāvodaga seya jataṇāe ||6185||
"tivihaṃ ca0" gāhā | tivihaṃ visamaṃ - bhūmivisamaṃ sāvayaṃ vi māṇussaṃ vi | bhūmivisamaṃ uḍḍāurie pavvayā ettha uvarillāvabhūmi sāvayamaṇussa visamā taheva | je dugge dosā bhaṇiyā tacceva visame vi dosā | nāvāsutte seyasutte ya ṇikkāraṇe ee ceva dosā 'jayaṇāe' tti uvari bhaṇṇihiti | ‘pakkhulamāṇiṃ vā pavaḍamāṇiṃ vā' asya vyākhyā
bhūmī' asaṃpattaṃ, pattaṃ vā hatthajāṇugādīhiṃ | pakkhulaṇaṃ ṇāyavvaṃ, pavaḍaṇa bhūmīya gattehiṃ ||6186|| "bhūmīe asaṃpattaṃ0" gāhā | kaṇṭhyā |
ahavā vi duggavisame, thaddhaṃ bhītaṃ va gīta thero tu | sicayaṃtaretaraṃ vā, giṇhaṃto hoti niddoso ||6187||
"ahavā vi dugga0" gāhā | jayā ṇa samatthā sā duggavisamesu voleuṃ tāhe vattariyaṃ geṇhai | therā gītatthā | suttaṃ
[suttaṃ] niggaṃthe niggaṃthiṃ seyaṃsi vā paṃkaṃsi vā paṇagaṃsi vā udagaṃsi vā okasamāṇiṃ vā ovujjhamāṇiṃ vā giṇhamāṇe vā avalaṃbamāṇe vā nāikkamai ||6-8||
niggaṃthe niggaṃthiṃ nāvaṃ ārubhamāṇiṃ vā orubhamāṇiṃ vā giṇhamāṇe vā avalaṃbamāṇe vā nātikkamati ||6-9||
"niggaṃtho niggaṃthī seyaṃ0" suttaṃ | paṃko khalu cikkhallo, āgaṃtū payaṇuo duo paṇao |
so puṇa sajalo seo, sītijjati jattha duvihe vī ||6188|| "paṃko khalu0" gāhā | kaṇṭhyā | paṃkapaṇaesu niyamā, ogasaṇaṃ vubbhaṇaṃ siyā see | thimiyammi nimajjaṇatā, sajale see siyā do vi ||6189||
"paṃkapaṇaesu0" gāhā | kaṇṭhyā | ṇāvodagaṃ [ seya] jayaṇāe tti jaṃ bhaṇiyaṃ uvariṃ bhannihiti taṃ bhaṇṇai