Biha Kappa v3.p121

v3.p121

[khittacittāipagayaṃ ranno niveiyammi, tesiṃ vayaṇe gavesaṇā hoti |
osaha vejjā saṃbaṃdhuvassae tīsu vī jayaṇā ||6219|| "ranno0" gāhā | asya vyākhyāputtādīṇaṃ kiriyaṃ, sayameva gharammi koi kāreti |
aṇujāṇaṃte ya tahiṃ, ime vi gaṃtuṃ paḍiyaraṃti ||6220||
"puttādīṇaṃ0" gāhādvayam | jai rāyā puttādīṇaṃ sayaṃ kiriyaṃ kāraveti tāhe raṇṇo nivedijjai | osahādisu alabbhamāṇesu, ahavā labbhamāṇesu vi nivedijjai-tubbhaṃ sannāiyā gilāṇā | tāhe jai bhaṇati-mama puttādīṇaṃ kiriyā kījjai to ihaṃ ceva āṇeha | tāhe tattha nijjati evaṃ tesiṃ vayaṇe hohi tti gacchellayā vi tattha gaṃtaṃ paḍiyaraṃti | 'osahabhesajjasabaṃdhuvassae' tti asya vyākhyā
osaha vijje demo, paḍijaggaha ṇaṃ ihaṃ ṭhitā''saṇṇaṃ |
tesiṃ ca ṇāu bhāvaṃ, ṇa deṃti mā ṇaṃ gihīkujjā ||6221|| __ "osaha0" gāhā | kayāi rāyādi saṇṇātayā bhaṇejja-osahavejjaṃ ca saṃdisāmo| amhaṃ ceva āsaṇṇe ṭhāuṃ tubbhe ceva paḍicaraha | tesiṃ ca bhāvo ṇāyavvo | mā gihatthīkarejjā tāhe tattha ṇāṇeyavvā | 'tīsu vi jayaṇa' tti asya vyākhyā
āhāra uvahi sijjā, uggamauppāyaṇādisu jayaṃti | vāyādī khobhammi va, jayaṃti pattega missā vā ||6222||
"āhāra0" gāhā | uggamādisu jayaṃti appaṇā paḍicaragā ya | etaṃ divvitaṃ gataṃ evaṃ vātakhobhādisu vi jaiyavvaṃ | 'patteyamisa' tti ego vā vaṃdeṇa vā ahavā patteyaṃ saṃbhoiyā mīsā asaṃbhoiehi vi ||
puvvaddivo ya vihī, iha vi kareṃtāṇa hoti taha ceva | teicchammi kayammi ya, ādesā tiṇṇi suddhā vā ||6223||
"puvvuddivo ya0" gāhā | puvvuddiṭṭho gilāṇasutte teicche kae āyesā tiṇṇi-guruo lahuo lahuyasago ete pūrvoktāḥ | ahavā suddhā apāyacchittītyarthaḥ | atrāha codaka:āsavadāresu vaṭṭiyavvaṃ, bahuvidhaṃ ca palaviyaṃ, loiya-louttarie viruddhaṃ ca ācīrṇaṃ kahaṃ sā apacchittī bhavati ? ācāryāha