Biha Kappa v3.p122

v3.p122

chaṭṭho uddeso kāmaṃ āsavadāresu vaṭṭiyaṃ palavitaṃ bahuvidhaṃ ca | logaviruddhā ya padā, louttariyā ya āiṇṇā ||6224|| cauro ya huṃti bhaṃgā, tesiṃ vayaṇammi hoti paṇṇavaṇā | parisāe majjhammī, paṭṭavaṇā hoti pacchitte ||6225||
"kāmaṃ0" ["cauro ya0"] gāhā | kaṇṭhyā | codakavacanaprajñāpanārthaṃ āyariyo cattāri bhaṃge paṇṇaveti |
vaḍḍati hāyati ubhayaṃ, avaṭṭhiyaṃ ca caraṇaṃ bhave cauhā |
khaiyaṃ tavovasamiyaṃ, missamahakkhāya khettaṃ ca ||6226||
"vaḍati0" gāhā | kassai carittaṃ vaḍai 1, kassai hāyai 2, kassati vaḍai vi hāyai vi 3, kassai avaṭṭiyaṃ 4| eṣāṃ yathāsaṃkhyaṃ jñāpanārtham idam - "khaiyaṃ0" pacchaddhaṃ | khaiyaṃ khaiyaseḍhīpaviṭṭhassa vaḍḍai | uvasāmagaseḍhīto paḍipayamāṇassa hāyati | khaovasamiyaṃ carittaṃ vaḍi vi hāyai vi | ahakkhāyassa carittaṃ khittacittāe ya ahaṭṭiyaṃ | eeṇa kāraṇeṇaṃ apacchittā | kiṃ cānyat
na ya baṃdhaheuvigalattaṇeṇa kammassa uvacayo hoti |
logo vi ettha sakkhī, jaha esa paravvasā kāsī ||6227|| "na ya0" gāhā | kaṇṭhyā | baṃdhahetuviyalattaṇe iyaṃ vyākhyārāgaddosāṇugayā, jīvā kammassa baṃdhagā hati | rāgādiviseseṇa ya, baṃdhaviseso vi avigīo ||6228||
"rāgaddosā0" gāhā | 'rāgādivisesaṇaṃ' ti tīvrādi | evaṃ kammabaṃdho vi | ko diṭuṃto jadhā apacchittī ? ucyate
kuṇamāṇā vi ya ceṭṭhā, parataṃtā naṭṭiyā bahuvihāto | kiriyāphaleṇa jujjati, na jahā emeva etaṃ pi ||6229||
"kuṇamāṇā0" gāhā | 'parataṃta' tti paraprayogata ityarthaḥ | kriyā karmetyarthaḥ | tena kriyāphalena yujyate na jahā evaṃ imā vi paraprayogatvāt karmabaṃdhena na lipyate |