Biha Kappa v3.p153

v3.p153

[kappaṭṭiipagayaṃ “pāraṃci01" carittavaṃtatvāt pāraṃciya aṇavaṭṭhacarittavaṃtā ca ego, daṃsaṇavaṃto bitiyo, ciyattakicco taiyo, seho cauttho |
idāṇiṃ etesiṃ ko uvaṭṭhāveyavvo ṇa va tti taṃ bhaṇṇai
kevalagahaṇā kasiṇaṃ, jati vamatī daṃsaṇaṃ carittaṃ vā | to tassa uvaṭṭhavaṇā, dese vaṃtammi bhayaṇā tu ||6415|| "kevalagahaṇā0" gāhā | tattha dese imaṃ hojja - emeva ya kiṃci padaṃ, suyaṃ va asuyaṃ va appadoseṇaṃ |
avikovito kahito, codiya āuṭṭa suddho tu ||6416||
"emeva ya0" gāhā | 'appadoseṇaṃ' ti adoseṇaṃ jehiṃ daṃsaṇaṃ vaṃtaṃ tehiṃ ābhoeṇa vā aṇābhoeṇa vā | tattha aṇābhoeṇaṃ
aṇābhoeṇa micchattaṃ, sammattaṃ puṇarāgate | tameva tassa pacchittaṃ, jaṃ maggaṃ paḍivajjaī ||6417||
"aṇābhogeṇa" gāhā | ego saḍḍho aṇābhoeṇa ṇiṇhagāṇaṃ sagāse pavvaio | so keṇai sāhuṇā daṭuṃ bhaṇio-kiṃ tumaṃ ṇiṇhayāṇa sagāse pavvaio? bhaṇiaṃṇeṇa-ṇa mae viseso ṇāo teṇa etesiṃ sagāse pavvaio | tāhe so micchā dukkaḍaṃ kāuṃ visuddhadaṃsaṇīṇa sagāse uvasaṃpanno | tassa tameva pacchittaṃ jaṃ saṃjamaṃ paḍivajjai tassa | so ceva pariyāo ṇiṇhaiyavvo|
ābhogeṇa micchattaṃ, sammattaṃ puṇarāgate | jiṇa therāṇa āṇāe, mūlacchejjaṃ tu kārae ||6418|| "ābhogeṇa0" gāhā | kaṇṭhyā | nihnaesu gato | evaṃ daṃsaṇe | idāṇi caritte dese | chaṇhaṃ jīvanikāyāṇaṃ, aṇappajjho tu virāhao |
āloiyapaḍikkaṃto, suddho havati saṃjao ||6419|| "chaṇhaṃ0" gāhā | aṇapajjo aṇappavaso khittāī | chaṇhaṃ jīvanikāyāṇaṃ, appajjho u virāhato |
āloiyapaḍikkaṃto, mūlacchejjaṃ tu kārae ||6420|| "chaṇhaṃ0" gāhā | 'appajjho' sayaṃvaso | vāgrahaṇāt jai tavārihaṃ āvaṇṇo so
1. daṃsaṇammi muca |