Biha Kappa v3.p154

v3.p154

chaṭṭho uddeso tavārihaṃ ceva dijjai | tattha vi jaṃ āvaṇṇo taṃ ceva dijjai |
jaṃ jo u samāvaṇṇo, jaṃ pāuggaṃ va jassa vatthassa | taṃ tassa u dāyavvaṃ, asarisadāṇe ime dosā ||6421|| "jaṃ jo u" gāhā | kaṇṭhyā |
appacchitte ya pacchittaṃ, pacchitte atimattayā | dhammassā''sāyaṇā tivvā, maggassa ya virāhaṇā ||6422|| ussuttaṃ vavaharaṃto, kammaṃ baṃdhati cikkaṇaṃ | saṃsāraṃ ca pavaḍḍeti, mohaṇijjaṃ ca kuvvatī ||6423|| ummaggadesaṇāe ya, maggaṃ vippaḍivātae | paraṃ moheṇa raṃjiṃto, mahāmohaṃ pakuvvatī ||6424||
"appacchitte0" ["ussuttaṃ0" ummaggadesaṇāe0"] gāhātrayam | jeṭṭha tti gataṃ | idāṇiṃ paḍikkamaṇaṃ
sapaḍikkamaṇo dhammo, purimassa i pacchimassa ya jiṇassa | majjhimayāṇaṃ jiṇāṇaṃ, kāraṇajāe paḍikkamaṇaṃ ||6425|| gamaṇā''gamaṇa viyāre, sāyaṃ pāo ya purimacarimāṇaṃ | niyameṇa paḍikkamaṇaṃ, atiyāro hou vā mā vā ||6426|| aticārassa u asatī, ṇaṇu hoti ṇiratthayaṃ paḍikkamaṇaṃ | ṇa bhavati evaṃ codaga !, tattha imaṃ hoti ṇātaṃ tu ||6427|| sati dose hoagato, jati doso ṇatthi to gato hoti | bitiyassa haṇati dosaṃ, na guṇaṃ dosaṃ va tadabhāvā ||6428|| dosaṃ haṃtūṇa guṇaṃ, kareti guṇameva dosarahite vi | tatiyasamāhikarassa u, rasātaṇaṃ ḍiṃḍiyasutassa ||6429|| jati doso taṃ chiṃdati, asatī dosammi nijjaraṃ kuṇaī | kusalatigiccharasāyaṇamuvaṇīyamidaṃ paḍikkamaṇaṃ ||6430|| “sapaḍikkamaṇaṃ0" ["gamaṇā''gamaṇa" "aticārassa u0" "sati dose