Biha Kappa v3.p21

v3.p21

[baṃbhāvāyapagayaṃ deve ya parisarūvaṃ viuvvittā niggaṃthi paḍigāhejjā, taṃ ca niggaṃthī sāijjijjā, mehuṇapaḍisevaṇapattā āvajjai cāummāsiyaṃ aṇugghāiyaṃ ||5-4||
eseva gamo niyamā, niggathīṇaṃ pi hoi nāyavvo| navaraṃ puṇa ṇāṇattaṃ, puvvaṃ itthī tato puriso ||5721||
"eseva gamo0" gāhā | nāṇattaṃ ṇāma niggaṃthīsuttāṇaṃ jo viseso suttagahio | 'puvvaṃ itthi' tti devī ya purisarūvaṃ viuvvittā niggaṃthiṃ geṇhejjā paḍhamasuttaṃ |
viguruvviūṇa rūvaṃ, āgamaṇaṃ ḍaṃbareṇa mahayāe| jiṇa ajja sāhubhattī, ajjaparicchā vi ya taheva ||5722||
“viguruvviūṇa0" gāhā | ettha vi yaṃ ceva vakkhāṇaṃ, niggamaṇaṃ ṇiggayāe jāva uvaṇāragrāme bhikkhavelāe ṭhiyāo tattha sammaddiṭṭhī devayā purisarūvaṃ viuvviūṇa mahayāḍaṃbareṇa māyāe saḍḍarūvaṃ kāuṃ abhigayā vaṃdaṇavibhāsā | bhaṇai-koi tubbhehiṃ sammaddiṭṭhī mahilā visayaparājiyā diṭṭhā, tubbhaṃ vā jai aṭṭho to bhuṃjāmo bhoe | 'jiṇa' tti arihaṃtaceiehiṃ ajjāhiṃ sādhuhiṃ ya bhattiṃ kāhāmo | evaṃ vibhāsā | sesaṃ taheva savvaṃ vakkhāṇaṃ jahā niggaṃthasuttāṇaṃ |
vīsatthayā sarisae, sāruppaṃ teṇa hoi paḍhamaṃ tu | purisuttario dhammo, niggaṃtho teṇa paḍhamaṃ tu ||5723||
"visatthayā0" gāhā | jaṃ saḍḍirūvaṃ ca viuvvai 'purisuttario dhammo' tti kāuṃ teṇa paḍhamaṃ niggaṃthāṇaṃ doṇi sattāṇi, pacchā niggaṃthīṇaṃ | eesa imā virāhaṇā -
khittāi māraṇaṃ vā, dhammāo bhaṃsaṇaṃ kare paṃtā|
bhaddāe paḍibaṃdho, paḍigamaṇādī va nitīe ||5724||
“khittāi0" gāhā | paṃtā khettādīṇi karejjā | bhaddae paḍibaṃdhādī dosā paḍigahaṇādīṇi vā, anīṃtīe karejja |
bitiyaṃ acchittikaro, bahuvakkheve gaṇammi pucchittā |
suttatthajharaṇahetuṃ, gītehiṃ samaṃ sa niggacche ||5725||
"bitiyaṃ0" gāhā | teṇa sattatthā gahiyā savvocchittikārago bhavissaḍa tti tattha ya vakkhevo gacche tāhe āpucchiūṇa therehiṃ gītatthehi samaṃ nīi |
[baṃbhāvāyapagayaṃ samattaṃ]