Biha Kappa v3.p22

v3.p22

[ ahigaraṇapagayaṃ ]
[suttaṃ] bhikkhū ya ahigaraṇaṃ kaṭṭu taṃ ahigaraṇaṃ aviosavittā icchijjā annaṃ gaṇaṃ uvasaṃpajjittāṇaṃ viharittae, kappai tassa paṃcarāiṃdiyaṃ cheyaṃ kaṭṭu, parinivvaviya parinivvaviya doccaṃ pi tameva gaṇaṃ paḍinijjāeavve siyā, jahā vā tassa gaṇassa pattiyaṃ siyā ||5-5 ||
"bhikkhū ya adhigaraṇaṃ kaṭṭu0" suttaṃ uccāreyavvaṃ | sambandhaḥ
gāgī mā gacchasu, , coijjaṃte asaṃkhaḍaṃ hojjā | ūṇāhigamāruvaṇe, ahigaraṇaṃ kujja saṃbaṃdho ||5726||
"egāgī0 " gāhā | kaṇṭhyā | taṃ puṇa ahikaraṇaṃ imehiṃ kāraṇehiṃ uppajjejja -
saccittacitta mīse, vaogata parihārie ya desakahā | sammamaṇāuṭṭaṃte, adhikaraṇa tato samuppajje ||5727||
'saccitta0 " gāhā | asya vyākhyā
ābhavvamademāṇe, giṇhaṃteṃ tameva maggamāṇe vā | sacitteyaramīse, vitahāpaḍivattito kalaho ||5728 || viccāmelaṇasutte, desī bhāsā pavaṃcaṇe ceva | aṇṇammi ya vattavve, hīṇāhiya akkhare ceva ||5729 ||
parihāriyamaṭhavite, ṭhaviteṃ aṭṭhāi ṇivvisaṃte vā | kucchitakule va pavisati, codita'ṇāuṭṭaṇe kalaho ||5730|| "ābhavva0" [“viccāmelaṇasutte 0. " "parihāriyamaṭhavite0 " ] gāhāo tiṇi | adhikaraṇa iti ko'rthaḥ ?
desakahāparikahaṇe, ekke ekke va desarāgammi |
mākara desakahaṃ vā, kosi tumaṃ mama tti adhikaraṇaṃ || 5731||
"desakahāparikahaṇe0 " gāhā |
ahatiriyauḍḍakaraṇe, baṃdhaṇa ṇivvattaṇā ya ṇikkhivaṇaṃ | uvasamakhaeṇa uḍnuṃ, udaeṇa bhave akaraṇaṃ || 5732||