Biha Kappa v3.p30

v3.p30

paṃcamo uddeso saṃvaccharaṃ ca ruṭuṃ, āyariyo rakkhae payatteṇa |
jati ṇāma uvasamejjā, pavvayarātīsarisaroso ||5773|| "saṃvaccharaṃ ca0" gāhā uktārthā | nicchuddhaṃ samāṇaṃ
aṇṇe do āyariyā, ekkekkaṃ varisamettameassa | teṇa paraṃ gihi eso, bitiyapadaṃ rāyapavvaie ||5774||
"aṇṇe do āyariyā0" gāhā | ekko vi ekkaṃ varisaṃ biio vi ekkaṃ varisaṃ| eesu dosu varisesu pūrvavat sāraṇā, eesiṃ jeṇa uvasāmio tasseva so sīso ābhavai | jai doṇhaṃ āyariyāṇaṃ doṇṇi varisehiṃ na uvasamato tāhe saṃghasamavāyaṃ kāuṃ liṃgaṃ se hīrai | biiyapade ṇa hīrejjā vi, rāyapavvaio mā patthāradosaṃ kujjā | evaṃ tāva bhikkhussa |
emeva gaṇāyarie, gacchammi tavo u tinni pakkhāī|
do pakkhā āyarie, pucchā ya kumāradiṭuṃto ||5775||
“emeva gaṇāyarie0" gāhā | gaṇissa tiṇṇi pakkho tavo, tiṇṇi pakkho chedo | tattha imo vidhī
paṇayāla diṇā gaṇiṇo, cauhā kāūṇa sāhiekkārā |
bhattaṭṭhaṇa sajjhāe, vaṃdaṇa lāve ya hāveti ||5776||
"paṇayāla diṇā0" gāhā | tiṇṇi pakkhā paṃcacattālīsaṃ divasā bhavaṃti | ete cauhā katā cattāri pakkhā ekkārasayā, ete paḍhame ekkārasae savvahā saṃbhuṃjaṃti, bitie ekkārasae bhattaṭṭhaṇaṃ vajjeṃti, taie sajjhāyaṃ vajjeṃti cautthae vaṃdaṇālāvaṃ kareṃti | cautthāto pareṇaṃ vaṃdaṇālāvaṃ pi vajjeṃti | āyariyo saṃvaccharaṃ, taheva cattāri cattāri māsā chedo paṃcarāiṃdio|
tīsa diṇe āyarie, addhaṭṭha diṇe ya hāvaṇā tattha | gaccheṇa caupadehi tu, nicchūḍhe laggatī chedo ||5777||
"tīsa diṇe0" gāhā | āyariyassa do pakkhāte tīsaṃ divasā bhavaṃti | te cauhā kayā addhaṭṭhamā addhaṭṭhamā divasā bhavaṃti | bhattaṭṭhāṇādi cattāri pagārā bhāṇiyavvā | parato māsassa gaccho savvahā vajjai|
saṃketo aṇṇagaṇaṃ, sagaṇeṇa ya vajjito catupadehiṃ | āyariyo puṇa navariṃ, vaṃdaṇalāvehi ṇaṃ sāre ||5778||