Biha Kappa v3.p31

v3.p31

sajjhāyamāiehiṃ, diṇe diṇe sāraṇā paragaṇe vi | navaraṃ puṇa ṇāṇattaṃ, tavo gurussetare chedo || 5779|| sarisāvarādhe daṃḍo, juvaraṇṇo bhogaharaṇabaṃdhādī | majjhima baṃdhavadhādī, avatti kannādi khisā vā ||5780 ||
“saṃkaṃto0” [“sajjhāyamāihiṃ0 ""sarisāvarādhe0 " ] gāhādvayam | tāhe aṇṇagaṇe jo āyariyo so saṃvaccharaṃ taheva cattāri cattāri māsā 'navaraṃ puṇa ṇāṇattaṃ' ti tassa puṇa aṇṇagaṇiccayassa āyariyassa asāreṃtassa tavo ṇa cchedo, ahikaraṇāyariyassa chedo | coyago bhaṇai-rāga-dosiyā tubbhe, āyariyaṃ lahuṃ ceva chedaṃ pāveha, gaṇāvaccheiyaṃ bahutareṇa kāleṇaṃ, bhikkhuṃ cireṇaṃ | bhikkhummi gaṇāvaccheie ya rāgo āyarie dveṣo | āyariyo ettha diṭṭhataṃ karei | jahā
egassa ranno tinni puttā | ego juvarāyā, biiyo majjhimao, taio kaṇīyaso | tehiṃ tiyaggehiṃ vi sariso avarāho kao | juvaraṇṇo mahaṃto daṃḍo | kīsa pamāṇabhūo evaṃ karemi ? tti | bhogā hariyā baddho ya | majjhimassa pahārā baddho ya | kaṇīyasassa kaṇṇāmoḍi tajjito ya | evaṃ āyariyo pamāṇabhūto kīsa pamādaṃ karei ?
appaccaya vīsatthattaṇaṃ ca logagarahā durahigammo |
āṇāe ya paribhavo ṇeva bhayaṃ to tihā daṃḍo || 5781 ||
[ ahigaraṇapagayaṃ
11
'appaccaya0 gāhā | apaccao bhavati - ṇūṇaṃ titthagarā asavvaṇṇū,
jehiṃ ṇivāriyā
sīsā pāḍicchagā ya tassa na bībheṃti | logagarahā - pahāṇo ceva eesiṃ kalahakārao | duruhigamo pāḍicchayā ṇa eṃti rosaṇo tti kāuṃ, āṇā ṇa kayā bhavati titthagarāṇaṃ parijaṇeṇa |
gacchammi u paṭṭhavie, jammi parde sa niggato tato bitiyaṃ | bhikkhugaṇā''yariyāṇaṃ, mūlaṃ aṇavaṭṭha pāraṃcī ||5782||
"gacchammi0" gāhā | jai tehiṃ paṭṭhavie niggacchai gacchāo chedaṃ pāvai | aha chede paṭṭhavie niggacchai mūlaṃ | evaṃ bhikkhussa gaṇāvaccheiyassa navame ṭhāi āyariyassa carame |
kāraṇa aṇale dikkhā, samatteṃ aṇusaṭṭhi teṇa kalaho vā | kāraṇeṃ sadhaim̐ ṭhitāṇaṃ, kalaho aṇṇoṇṇa teṇaṃ vā ||5783||
[ ahigaraṇaparāyaṃ samattaṃ ]
...