Biha Kappa v3.p41

v3.p41

[saṃthaḍanivvitigicchapagayaṃ ugagayamaṇuggate vā, gītattho kāraṇe ṇa'tikkamati || dūtā''hiṃḍa vihārī, te vi ya hoṃtī sapaḍipakkhā ||5823|| dūijjaṃtā duvidhā, ṇikkāraṇigā taheva kāraṇigā| asivādī kāraṇitā, cakke thūbhāitā itare ||5824|| uvadesa aṇuvadesā, duvihā āhiṃḍagā muṇeyavvā | viharaṃtā vi ya duvidhā, gacchagatā niggatā ceva ||5825||
"addhāṇāsaṃthaḍīe0" ["ugagayamaṇuggate.'' "dūijjaṃtā0'' "uvadesa aṇuvadesā0"] gāhā | tattha paḍhamaṃ majjhe bhaṇai | saṃlehe dasa rāiṃdiyā, paṃcasu laṃbaṇaesu pannarasa rāiṃdiyā, dasasu laṃbaṇesu vīsa rāiṃdiyā, pannarasasuṃ laṃbaṇesu bhinnamāso, vīsāe laṃbaṇesu māsalahuṃ, paṇavīsāe laṃbaṇesu do māsalahū | evaṃ bhikkhussa sattahiṃ vārāhiṃ mūlaṃ, uvajjhāyassa paṇṇarasādi sattiṃ vārāhiṃ aṇavaḍhe ṭhāi, āyariyassa vīsādī sattahiṃ vārāhiṃ pāraṃcie ṭhāi | eyaṃ davve | bhāve eyaṃ ceva paḍilomaṃ bhāṇiyavvaṃ | majjhe gayaṃ |
idāṇi pavese uttaṇṇe ya bhaṇṇai
uttiṇṇe paveseyavvaṃ, samuddiṭuṃ saṃlehāsesaṃ tāhe ṇāyaṃ - aṇuggao atthamio vā - taṃ saṃlihai paṃca rāiṃdiyā, paṃca laṃbaṇesu dasa rāiṃdiyāī, dasahi laṃbaṇehiṃ paṇṇarasa rāiṃdiyā, pannarasahi laṃbaṇehiṃ vīsa rāiṃdiyā, vīsāe laṃbaṇehiṃ bhiṇṇamāso, paṇuvīsāe laṃbaṇehiṃ māsalahum̐| eyaṃ ekkasi ekkekke ṭhāṇagaṃ vaḍheṃteṇaṃ aṭṭhahi vārāhiṃ mūle ṭhāi | eyaṃ bhikkhussa | uvajjhāyassa dasa rāiṃdiyādī aṭṭhahiṃ vārāhiṃ aṇavaḍhe ṭhāi | āyariyassa paṇṇarasa rāiṃdiyādi aṭṭhahiṃ vārāhiṃ pāraṃcie ṭhāi | bhāvapaḍilomaṃ |
sīso pucchai-kahaṃ addhāṇa saṃthaḍiyā majjhe khippaṃ sapadaṃ pāviyā ? pavesuttāre cireṇaṃ sapadaṃ pāviyā? ata ucyate-majjhe abbhatthataṃ ādīe aṇabbhattaṃ uttāre parissaṃtā | ettha savvāo ekkekkāo padāo āṇādiṇo dosā, rāībhoyaṇadosāo| kassa puṇa eyaṃ pacchittaṃ? ucyateagīyassa bhikkhussa | jo puṇa gītattho so uggae vā aṇuggae vā kāraṇe jayaṇāe āyaraṃto aduṭṭo aratto geṇhaṃto bhuṃjamāṇo ya ṇāikkamai | te puṇa tivihā - dūijjaṃtagā vā āhiṃḍaṃtagā vā viharaṃtagā vā|
duijjatā duvihā–kāraṇiyā ṇikkāraṇiyā ya | asivādī kāraṇiyā asivādīsu, ahavā uvahikāraṇā | levassa vā bahuguṇaṃ vā gacche āyariyādi āgāḍhe | etehiṃ kāraṇehiṃ kāraṇiyā geṇhaṃtagā ya bhuṃjaṃtagā ya suddhā | ṇikkāraṇiyā asivādīsu vajjiyā gacchāo taiyā