Biha Kappa v3.p42

v3.p42

bhāsagāhā-5822-5828] paṃcamo uddeso
885 duijjaṃti | āhiṃḍagā viharaṃtā | āhiṃḍagā duvihā-uvaese aṇuvaese ya | uvaese jo suttatthāṇaṃ gahaṇaṃ kāuṃ bhavissāyariyo desadarisaṇaṃ karei | te kāraṇe jayaṇāe geṇhaṃtā suddhā | aṇuvadesiyā je cakka-thūbhādīṇi hiṃḍaṃti | viharaṃtā duvihā-gacchagayā gacchaniggayā ya | gacchaṇiggayā jiṇakappiyādī | gacchavāsiṇo uḍubaddhe māsaṃ māseṇaṃ viharaṃti | eesiṃ sāhūṇaṃ ime aṇudita atthamite laggaṃti |
ṇikkāraṇiyā'ṇuvadesigā ya laggaṃta'ṇudiya atthamite | gacchā viṇiggatā vi hu, lagge jati te karejjevaṃ ||5826||
"ṇikkāraṇiyā0" gāhā | gacchaṇiggayā vi aṇudiyatthamite ya jai gehaṃti to laggaṃti pacchitteṇaṃ | ṇiyamā puṇa te aṇuditatthammite ṇa geṇhaṃti | evaṃ asaṃthaḍio ṇivvitigiṃcho gao|
idāṇi vitigiccho puṇa kahiṃ hojja ? abbhasaṃthaḍe imo ya sattho turiyaṃ pahāvio | imo ya nimaṃtijjai|
ahavā tesiṃ tatiyaṃ, appatto aṇudito bhave sūro | patto tu pacchimaṃ porisiṃ ca atthaṃgato hoti ||5827|| vitigiccha abbhasaṃthaḍa, sattho u pahāvito bhave turiyaṃ |
aṇukaṃpayāem̐ koī, bhatteṇa nimaṃtaṇaṃ kujjā ||5828||
["ahavā tesiṃ0" "vitigiccha0"] gāhā | ārovaṇā ya jahā heṭṭhā tavāsaṃthaḍie gelaṇṇāsaṃthaḍie nivvitigicche pāyacchittaṃ bhaṇiyaṃ tahā vitigiṃche vi, navaraṃ tattha tāṇi pāyacchittāṇi ubhayaguruṇi ettha ubhayalahaṇi |
[saṃthaḍanivvitigicchapagayaṃ samattaṃ ]