Biha Kappa v3.p44

v3.p44

paṃcamo uddeso ādiyai caugurugā | āṇādī āṇā kovitā titthagarāṇaṃ, aṇavatthā micchattavirāhaṇā | jahā vādī tahā kārī ṇa bhavaṃti | ahavā daṭṭaṇa siḍhilagamaṇamabbhuvagamavāgaraṇamasāraṃ' haḍḍe sarakkhāviṇehiṃ aisaitāvaṃtaṃ ātiyaṃtehiṃ virāhaṇā tassa vā aṇṇassa vā bhavati | ettha diṭuṃto amaccabaḍueṇaṃ |
___ ego raṃkadavappago2 majjiyākūra jimito atipamāṇaṃ saṃkhaḍīe | niggato rāyapathamogāḍho tassa hiyayaṃ ucchallaṃ | so amaccapāsāyassa heṭṭhā vamitumāraddho | amacceṇaṃ diṭṭho | tāhe so vamettā taṃ āhāraṃ aviddāyaṃ pāsittā taṃ lobheṇaṃ bhuṃjiumāraddho | taṃ daṭṭhaṇaṃ amaccassa aṃgāṇi ullasiyāṇi uḍṭuṃ ca jāyaṃ | evaṃ tassa divase divase jemaṇavelāe samuddisaṃtassa uṭuṃ bhavati | vaggulivāhī se jāto, mato | evaṃ tassa virāhaṇā jāyā | so vi dhijjātio emeva mao| evaṃ tassa saṃjayassa virāhaṇā | annassa vā saṃjayassa hojjā | jamhā ete dosā tamhā uggālo na uggiyavvo | diyā vā rāo vā kahi so uggālo ejjā ? ucyate
rāo va divasato vā, uggāle kattha saṃbhavo hojjā | girijaṇṇasaṃkhaḍīe, aṭṭhāhiya tosalīe vā ||5833|| addhāṇe vatthavvā, pattamapattā ya joaṇa duge ya | pattā ya saṃkhaḍiṃ je, jataṇamajataṇāem̐ te duvihā ||5834||
"rāo va0" ["addhāṇa."] gāhā | kaṇṭhyā | te saṃjayā duvihā-vatthavvā addhāṇaniggayā ya | tattha vatthavvā je tahiṃ ceva ṭhiyā māsakappeṇaṃ jattha saṃkhaḍīe | addhāṇaniggayā te duvidhā-pattabhūmiyā apattabhūmiyā ya | je pattabhūmitā te duvidhā-jayaṇapattabhūmitā ya ajayaṇapattabhūmiyā ya| pattabhūmiyā nāma jehiṃ tattha avassaṃ gaṃtavvaṃ, jattha saṃkhaḍī tahi ṭhāitavvaṃ | tassa vā uvarieṇaṃ gaṃtavvaṃ | apattabhūmitā nāma jahiṃ tattha na gaṃtavvaṃ | kiṃ puṇa ? saṃkhaḍī soccā vaccaṃti | te khettaṃto vā khettabāhiṃ hojjā | khettaṃto je addhajoyaṇa addhakosāto eṃti | je khettabāhiṃ to joyaṇāto vā dohiṃ vā tihiṃ vā cauhiṃ vā ahiṃ vā bārasahiṃ vā savve ete abhidhāretā saṃkhaḍi eṃti | je jayaṇapattabhūmiyā te jayaṇāto suttatthāṇi karitā vaccaṃti | ahavā je ahāpavattaṃ gaī ṇa bhiṃdaṃti te jayaṇapattabhūmiyā| ajayaṇapattabhūmiyā nāma je eyāo saṃkhaḍīo sottūṇa suttaporusiṃ atthaporisiṃ vā bhaṃtūṇa eṃti | ahavā je ahāpavattiṃ gatiṃ bhettūṇaṃ eṃti saṃkhaḍīe phiṭṭihāmo tti to turiyaṃ eṃti | ete ajayaṇapattabhūmiyā | vatthavvā duvihā-jayaṇāiṃtā i ajayaṇaeṃtā ya | jayaṇāyiṃtā je saṃkhaḍiṃ na paḍikkhaṃti, nāvi saṃkhaḍipaloyaṇāe gacchaṃti
1. sāraṇa a ḍa | 2. baḍuo malavṛ | 3. udbhūsiyāṇi - malavṛ | 4. ittiyavvo a ḍa |