Biha Kappa v3.p43

v3.p43

[uggālapagayaṃ]
[suttaṃ] iha khalu niggaṃthassa vā niggaṃthīe vā rāto vā viyāle vā sapāṇe sabhoyaṇe uggāle āgacchejjā, taṃ vigiṃcamāṇe vā visohemāṇe vā no aikkamai | taṃ uggilittā paccogilamāṇe rāībhoyaṇapaḍisevaṇappatte āvajjai cāummāsiyaṃ parihāraṭṭhāṇaṃ aṇugghāiyaṃ ||5-10||
"iha khalu ubhayassa vi" suttaṃ uccāreyavvaṃ | sambandhaḥnisibhoyaṇaṃ tu pagataṃ, asaṃtharaṃto bahu ca bhottūṇaṃ |
uggālamuggilijjā, kālapamāṇā va davvaṃ tu ||5829||
"nisibhoyaṇaṃ ta0" gāhā | kaṇṭhyā | ahavā kālapamāṇaṃ bhaṇiyaṃ | imaṃ davvapamāṇaṃ, esa sambandhaḥ | 'iha' tti asmin jainendre pravacane, rātri-viyālā pūrvavat vyākhyātā | saha pāṇena sapāṇo pāṇagaṃ ekkagaṃ eti, kadāi poggaliyaṃ ekkaṃ eti, kayāi ubhayamavi evaṃ vibhāsā | esa suttattho nijjuttivistarastu
uddaddare vamittā, ātiaṇe paṇagavuḍḍi jā tīsā | cattāri cha cca lahuguru, chedo mūlaṃ ca bhikkhussa ||5830|| [ni0 ] gaṇi āyārie sapadaṃ, egaggahaṇe vi guruga āṇādī| micchatta'maccabaḍue, virāhaṇā tassa va'ṇṇassa ||5831||
"uddaddare0" ["gaṇi āyarie0"] gāhā | udduddare subhikkhe jo vamittā ādiyati, puṇo divasao ceva egamavi laṃbaṇaṃ, jāva do tiṇṇi cattāri paṃca tti tāva caulahu, chahiṃ āraddhaṃ jāva dasa caugurugā, ekkārasāto āraddhaṃ jāva paṇṇarasa ::: tāva cha lahagā, solasamāo āraddhaṃ jāva vīsaṃ laṃbaṇā ::: | tāva chaguragā, egavīsāe āraddhaṃ jāva paṃcavīsaṃ laṃbaṇā chedo, paṇuvīsāo āraddhaṃ jāva tīsaṃ laṃbaṇā tāva mūlaṃ | esa tāva paṃcagaparivaḍḍīe | evaṃ bhikkhussā| gaṇissa caugurugāto āḍhattaṃ navame ṭhāi | āyariyassa challahugāo āḍhattaṃ pāraṃcie ṭhāi | kiṃ ṇimittaṃ puṇa uddaddaragrahaṇaṃ kṛtam ? jeṇa avavāde kappati omodariyādisu ya aṇuṇṇāyaṃ |
evaṃ tāva divasato, rāto sitthe vi caugurū hoti | uddaddaragahaṇā puṇa, avavāte kappae ome ||5832|| "evaṃ tāva0" gāhā | evaṃ tāva divasao, rāo puṇa egamavi laṃbaṇaṃ sitthaṃ vā jai