Biha Kappa v3.p54

v3.p54

paṃcamo uddeso tattha na ceva gheppaṃti, aha ṇa saṃtharaṃti to taddiṇamasaṃtharaṃtā biiyataiyadiṇe kayā vi te puṇa vīsuṃ vīsuṃ gheppaṃti | caudiṇakayā egattha gheppaṃti | tesiṃ imā paḍilehaṇavihī - rayattāṇaṃ hiṭṭhā pattharettā uvariṃ paḍalaṃ | tattha pehaṇavibhāsā |
nava pehātoṃ adiḍe, diḍe aṇṇāoṃ hoṃti nava ceva | evaṃ navagā tiṇṇi, teṇa paraṃ saṃthare ujjhe ||5882||
"nava pehātoṃ0" gāhā | aha navamiyāe velāe diṭṭhā pāṇajātiyā to puṇa ṇavavelāe, evaṃ tihiṃ velāhiṃ jai na suddhā jai saṃtharatī pariveti | aha ṇa saṃthareṃti to tāva paḍileheṃti jāva suddhā | pāṇajāyāṇaṃ imā pāriddhāvaṇiyā vihī -
āgaramādī asatī, kapparamādīsu sattue uraṇī | piṃḍamalevāḍāṇa ya, kātūṇa davaṃ tu tattheva ||5883||
"āgaramādī0" gāhā | jai ya davabhāyaṇaṃ ṇatthi to je sujhaṃti sattugā alevāḍā ya te piṃḍaṃ kāuṃ bhāyaṇassa egapāse cappettā tattheva davaṃ geṇhaṃti | jattha aṃbilaṃ saṃsajjati tattha
āyāmu saṃsaṭṭhasiṇodagaṃ vā, giṇhaṃti vā ṇivvuta cāulodaṃ | gihattha bhāṇesu va pehiūṇaṃ, matte va sohettuvari chubhaṃti ||5884|| "āyāmu0" vṛttārdham | ahavā aṃbilameva | 'gihattha' pacchaddhaṃ | bitiyapada apekkhaṇaṃ tu, gelaṇṇa'ddhāṇaomamādīsu | taṃ ceva sukkhagahaṇe, dullabha dava dosu vī jayaṇā ||5885|| "bitiya0" gāhā | gelaṇṇe tāva bhaṇṇati
accātura sammūḍho, velā'tikkamati sīyalaṃ hoi | asaḍho giṇhaṇa gahite, sujjhejja apekkhamāṇo vi ||5886||
"accātura0" gāhā | 'giṇhaṇa'tti giṇhaṃtao vi na pehejjā | etehiṃ kāraṇehiṃ appattaṃ gahitaṃ paḍitaṃ vā na pāsejja | addhāṇa omodariyāṇaṃ imaṃ vakkhāṇaṃ
omāṇapellito vela'tikkamo caliumicchati bhayaṃ vā | evaṃvihe apehā, ome satikāla omāṇe ||5887|| to kujjā uvaogaṃ, pāṇe daṭṭhaṇa taṃ pariharejjā| kujjā ṇa vā vi pehaṃ, sujjhai atisaṃbhamā so tu ||5888||