Biha Kappa v3.p55

v3.p55

[āhāravihipagayaṃ “omāṇa0" ["to kujjā0"] gāhādvayam | atisaṃbhramāt so sāhū mujjhati ome sati kālo tāva phiṭṭai velā vā | evaṃ na pehejja jaṃ bhaṇiyaṃ saṃsattae sukkodaṇo vīsuṃ ghettavvo, taṃ pi vīsuṃ geṇhejjaṃti | 'savve vi sukkhagahaṇe' tti | tānyeva bīiyapadakāraṇāṇi jāṇi apekkhamāṇassa gelannaddhāṇa-omoyariyāo tāo vīsuṃ sukkhagahaṇassa vi vattavvāo | eyassa imāo vibhāsāgāhāo imāo doṇṇi vi|
vīsuṃ gheppai ataraṃtagassa bitie davaṃ tu soheti | teṇa u asukkhagahaṇaṃ, taṃ pi ya uṇheyare pehe ||5889|| addhāṇe ome vā, taheva velātivātiyaṃ ṇātuṃ | dullabhadave vā mā siṃ, dhovaṇapiyaṇā ṇa hohiṃti ||5890||
"vīsuṃ gheppai0"["addhāṇe ome0"] gāhā | sagilāṇapadassa bhāyaṇaṃ ṇatthi jattha vīsaṃ gheppihiti | taṃ pi uṇhaṃ giṇhaṃti, iyaraṃ śītalaṃ, taṃ paḍileheṃti, addhāṇe omodariyāṇaṃ imaṃ addhaṃ | addhāṇe puvvaddhaṃ | addhāṇaṃ vaṭṭai omodariyā vā velā phiṭṭai | 'dullabhadava 'tti asya vyākhyā| 'dullabhadava' pacchaddhaṃ | ahavā imeṇa kāraṇeṇa dullabhaṃ dravaṃ pacchā na labbhai, teṇa puvvaṃ gheppai teṇa ṇatthi bhāṇaṃ | jai juyayaṃ sukkhayaṃ geṇhihiti 'dosu vi jayaṇa' tti apehaṇe asukkhagahaṇe ya esā vuttā|
āuṭṭiya saṃsatte, dese gelaṇṇa'ddhāṇa kakkhaḍe akhippaṃ | iyarāṇi ya addhāṇe, kāraṇa gahite ya jataṇāe ||5891|| āuṭṭi gamaṇa saṃsatta, giṇhaṇaṃ na ya viviṃcae khippaṃ |
oma gilāṇe velā, vihammi sattho vaikkamai ||5892|| "āuṭṭiya0" ["āuṭṭi0"] gāhā | asya vyākhyā
asivādī saṃsatte, saṃkappādī padā tu jaha sujjhe| saṃsaṭṭha sattu cāula, saṃsatta'satī tahā gahaṇaṃ ||5893||
"asivādī0" gāhā | jahā asivādīhiṃ kāraṇehiṃ āuṭṭiyāe vi taṃ desaṃ saṃkappādīṇi kareṃto suddho, evaṃ tahā tasminneva gataḥ asaṃsattaṃ na labbhati | tāhe saṃsaṭṭhapāṇayaṃ vā cāulodayaṃ vā| eyāṇi vā saṃsattāṇi sattugā vā saṃsattā ya geṇhejjā | evaṃ gahite khippamavi ṇa vigicejja |
1. na ityadhikam i | 2. taṃ ceva muca |