Biha Kappa v3.p57

v3.p57

[pāṇagavihipagayaṃ] [suttaṃ] niggaṃthassa ya gāhāvaikulaṃ piṃḍavāyapaḍiyāe aṇuppaviṭṭhassa aṃtopaḍiggahagaṃsi dage vā dagarae vā dagaphusie vā pariyāvajjejjā, se ya usiṇe bhoyaṇajāte bhottavve siyā, se ya sīe bhoyaṇajāte taṃ no appaṇā bhuṃjejjā, no annesiṃ dāvae, egate bahuphāsue padese paridvaveyavve siyā ||5-12||
"niggaṃthassa ya gāhāvaikulaṃ0" suttaṃ uccāreyavvaṃ | sambandhaḥ -
āhāravihī vutto, ayamaṇṇo pāṇagassa āraṃbho| kāyacaukkā''hāre, kāyacaukkaṃ ca pāṇammi ||5897||
"āhāra0" gāhā | 'kāyacaukkāhāre' tti heṭṭhāṇaṃtarasutte pāṇagrahaṇeṇa tasā bīyaggahaṇā vaṇassai, rayagrahaṇā puḍhavi agaṇikāo ya ete cattāri kāyā etehiṃ pariyāvaṇṇaṃ | ihāvi cauhiṃ ceva kāehiṃ pariyāvijjai sīodayaṃ āukkāyaṃ, uṇhodayaṃ agaṇīkāo, ṇālierī pāṇagādi vaṇassatikāo, duddhaṃ tasakāo | eṣa sambandhaḥ |
parimāṇe nāṇattaṃ, dagabiṃduṃ dagarayaṃ viyāṇāhi| sībharamo dagaphusitaṃ, sesaṃ tu dagaṃ dava kharaṃ vā ||5898||
"parimāṇe0" gāhā | udaga-dagarayāṇaṃ parimāṇao ṇāṇattaṃ | jaṃ ceva u[da]kaṃ taṃ ceva dagarayaṃ dagaṃ nāma āukkāo bahuo ceva dagarao| 'dagaphusiyā ṇāma annattha pāṇie chubbhamāṇe vaṃsī hoti | sībharā ṇāma phusiyā | jaṃ taṃ dagaṃ bahuyaṃ taṃ dravaṃ vā kharaṃ vā parivasannātā āvannā āyariyāvannā aṃto paḍiggahaeṇaṃ cevavasthitaṃ, taṃ jai usiṇapariṇāmaṃ paḍiggahie vi usiṇaṃ to bhujjai, sītaṃ vigiciyavvaṃ esa suttattho | niyuktivistara:
emeva ya bitiyasutte, palogaṇā gihaṇe ya gahite ya |
aṇabhogā aṇukaṃpā, paṃtattā vā dagaṃ dejjā ||5899|| [ni0]
“emeva ya30" gāhā | jā maggille sutte vihī bhaṇiyā sā iha vi biiyasutte bhāṇiyavvā | paloyaṇāī geṇhaṇe gahie ya so ceva gamo | jaṃ puṇa taṃ udagaṃ dejja taṃ tahiṃ kāraṇehiṃ aṇukaṃpāe
1. viddhaṃ i | ciṭṭha ḍa | 2. dhaṃsī cū | 3. emeva viti0 muca |