Biha Kappa v3.p97

v3.p97

[vayaṇapagayaṃ "emeva ya0" ["ādillesuṃ0"] puvvaddhaṃ | āyariyo āyariyaṃ pīlei (caturguru), vasabhassa :: (caturlaghu), bhikkhussa 0| (māsaguru), therassa 0 (māsalaghu) | khuḍḍassa bhinnamāso| āyariyassa dohiṃ guru, iyaresiṃ tavakālavisesiyā savve saṃjogā bhāṇiyavvā | evaṃ khisāe vi| taṃ puṇa hīliyavayaṇaṃ imehiṃ vatthūhi
gaṇi vāyae bahussuem̐, mehāvā''yariya dhammakahi vādī |
appakasāe thūle, taṇue dīhe ya maḍahe ya ||6090||
"gaṇi vāyae0" gāhā | agaṇiṃ gaṇiṃ bhaṇai | gaṇiṃ vā agaṇiṃ | ahavā bhaṇaivā vayaṃ gaṇiṇo hotā jahā tumaṃ vāyae bahussue mehāvī | dhammakahī, vādī, appakasāe, thūle taṇue, dīhe talappamāṇaṃ dīhaṃ bhaṇati | maḍahaṃ ya siddhatthamettaṃ khuḍḍiyaṃ |
iyāṇi khisāe imo diluto bhaṇṇaigahiyaṃ ca mahāghosaṃ, tahiyaṃ paripiḍiyāṇa saṃlāvo |
amueṇaṃ suttattho, so vi ya uvajīvituṃ dukkhaṃ ||6091||
"gahiyaṃ ca0" gāhā | keṇai sādhuṇā suttatthāṇi āhāghosaṃ gahiyāṇi | ahāghosā nāma jahā āyariehiṃ abhilāvo bhaṇito tahā gahiyā | so ṇicchaṃto vāei | aha aṇṇayā sādhūṇaṃ sajjhiya uṭuiṃtāṇaṃ parapiḍiyāṇaṃ saṃlāvo vaṭṭai | kattha suttatthāṇi suparisutthāṇi parisuddhāṇi ? tattha ego taṃ vavadisai-teṇa suttatthāṇi āhāghosāṇi gahitāṇi, navari so dukkhaṃ uvajīvijjai| kahaṃ puṇa?
jaha koi amayarukkho, visakaṃṭagavalliveḍhito saṃto |
ṇa caijjai allītuṃ, evaṃ so khiṃsamāṇo u ||6092||
"jaha koi0" gāhā | jo tassa uvasaṃpajjai taṃ puvvaṃ ceva pucchai kā tava jātī? kā te māyā? piyā vā? kiṃ ca te kammaṃ ? | pacchā kammici kāraṇe kuddho samāṇo tehiṃ ceva jāi-kulādīhiṃ khisai |
te khisaṇāparaddhā, jātīkuladesakammapucchāhiṃ |
āsāgatā ṇirāsā, vaccaṃti virāgasaṃjuttā ||6093||
"te khisaṇā0" gāhā | tādhe te paḍipucchayā tāhiṃ jāi-kulādīhiṃ khisaṇāhiṃ pāraddhā caitā ityarthaḥ | suttatthāṇi pecchāmo tti etāe āsāe uvasaṃpaṇṇā ṇirāsā paḍigacchati|