Biha Kappa v3.p98

v3.p98

bhāsagāhā-6090-6098] chaṭṭo uddeso
941 virattā diṭṭhā si kaserumaī, aṇubhūyā si kaserumaī |
suttatthāṇaṃ gahaṇaṃ, ahagaṃ kāhaṃ tato paḍiniyatto | jāti kula desa kammaṃ, pucchati khallāḍa dhaṇṇāgaṃ ||6094||
"suttatthāṇaṃ0" gāhā | eyaṃ suṇettā tattha ego sādhū bhaṇai-ahaṃ tassa sagāsaṃ patthāmi suttatthāṇi ghecchāmi | taṃ ca āyariyaṃ tāo dosāo viramāveti | tāhe so sāhū āyariyo tassa saṃgāsaṃ gaṃtuṃ bhaṇai-jo so tubbhaṃ sīso taṃ mahabbhūyaṃ | kao tubbhehiṃ ārāiyaṃ? ahaṃ tassa āyariyasagāsaṃ suttatthāṇaṃ gahaṇaṃ kāhāmi | tato so bhaṇati-videso gobbataragāmaṃ | tāhe so sādhū gao, paḍiniyatto gobbaragāmaṃ gaṃtuṃ pucchai-amuyanāmo tubbhaṃ gāmāo pavvaio koi? tehiṃ gāmellaehiṃ bhaṇitaṃ-asthi | kā tassa mātā pitā vā ? tehiṃ bhaṇiyaṃ-hāvitassa dhaṇiyā ṇāma dāsī, sā khallāḍo nāmako kolio sā teṇa samaṃ vuttā tīe patto | tāhe so tassa sagāsaṃ gao bhaṇai-ahaṃ tava uvasaṃpajjāmi | paḍicchao so teṇaṃ | pucchio-kā te jāi, mātā-pitā vā? tāhe so bhaṇati
thāṇammi pucchiyammi, ha ṇu dāṇi kahemi ohitā suṇadhā | sāhisa'ṇṇe kassa va, imāim̐ tikkhāim̐ dukkhāiṃ ||6095|| vaidisa gobbaragāme, khallāṅaga dhutta koliyatthero | pahāviya dhaṇiya dāsī, tesiṃ mi suto kuṇaha gujjhaṃ ||6096|| jeṭṭho majjha ya bhāyā, gabbhatthe kira mamammi pavvaito | tamahaṃ laddhasutīo, aṇu pavvaito'ṇurāgeṇa ||6097|| āgāravisaṃvaiyaṃ, taṃ nāuṃ sesaciṃdhasaṃvadiyaṃ | ṇiuṇovāyacchaliyo, āuṃṭaṇa dāṇamubhayassa ||6098||
"thāṇammi0" ["vaidisa0" "jeṭṭho majjha0" "āgāravisaṃvaiyaṃ0'] gāhāsiddhaṃ | tāhe so ciṃtei-uddo haṃ | micchādukkaḍaṃ karei | tāo dosāo virato dāṇaṃ suttatthāṇaṃ| erisaṃ khisiyavayaṇaṃ |
idāṇiṃ pharusavayaṇaṃ | taṃ duvihaṃ
1. piyaṃ ca te pāṇiyayaṃ, vari tuha ṇāma na daṃsaṇayaṃ | iti ślokapaścārdham malavṛ cū0 | kaseru = jalīyakandaviśeṣaḥ (pāsama patra - 234) |