Biha Kappa v3.p99

v3.p99

[vayaṇapagayaṃ duvihaṃ ca pharusavayaṇaṃ, loiya louttaraṃ samāseṇaṃ | louttariyaṃ ṭhappaṃ, loiya vocchaṃ timaṃ ṇātaṃ ||6099|| "duvihaṃ ca0" gāhā | ṭhappaṃ nāma pacchā bhannai | imaṃ loiyaṃ
annonna samaṇurattā, vāhassa kuḍuṃbiyassa vi ya dhūyā | tāsiṃ ca pharusavayaṇaṃ, āmisapucchā samuppaṇṇaṃ ||6100|| keṇā''ṇītaṃ pisiyaṃ, pharusaṃ puṇa pucchiyā bhaṇati vāhī | kiṃ khū tumaṃ pitāe, āṇītaṃ uttaraṃ vocchaṃ ||6101||
"annonna0" ["keṇā''ṇītaṃ0"] gāhādvayam | vāha-dhūtāe poggalaṃ āṇīyaṃ | kuḍaṃbiyadhūyāe bhaṇṇai vāhadhūyā-keṇeyaṃ taṃ āṇīyaṃ ? iyarīe bhaṇitaṃ-ki tuma āṇehisi? kuḍaṃbiyadhūyā bhaṇai-kiṃ ahaṃ vāhadhūyā ? evaṃ asaṃkhaḍaṃ jāyaṃ | pisitaṃ nāma poggalaṃ | imaṃ louttariyaṃ -
pharusammi caṃḍaruddo, avaṃti lābhe ya seha uttarie |
ālatte vāhitte, vāvāriya pucchiya ṇisiṭe ||6102|| [ni0 ] “pharusammi0" gāhā | asya vyākhyā
osaraṇe savayaṃso, ibbhasuto vatthabhūsiyasarīro | dāyaṇa ta caṃḍarudde, esa pavaṃceti amhe tti ||6103|| bhūtiṃ āṇaya āṇīte dikkhito kaṃdiuṃ gatā mittā | vattosaraṇe paṃthaṃ, pehā vaya daṃḍagā''uṭṭo ||6104||
"osaraṇe0" ["bhūtiṃ āṇaya0"] gāhādvayam | avaṃtijaṇavae lābho sehassa samosaraṇe seho uvaṭṭhio seṭṭhiputto pavvāveha tti, sāhūhiṃ ṇāyaṃ pavaṃceha tti | tehiṃ caṃḍaruddo dudāito| etassa sagāse pavvayāhi | tassa uvaṭṭhito | chāraṃ āṇehiti bhaṇito | āṇīto | loo kato | vatte samosaraṇe, caṃḍaruddeṇaṃ vutte-paṃthaṃ paḍilehihi ! jeṇa pabhāe vaccāmo' | paḍilehie pae jaṃto khāṇue aphiḍio, ruṭṭho | duṭṭhasehe tti bhaṇittā daṃḍao uggiṇṇo, micchāmi dukkaḍaṃ ti seho karei | so vi uvasaṃto |
taṃ puṇa pharusavayaṇaṃ kahiṃ ṭhāṇehiṃ hojja ? 1 ālatte, 2 vāhitte, 3 vāvārite, 4
1. pae jāmo - ḍa i |