Pramāṇa · Search · About · API

Biha Kappa v19.p82

Bṛhatkalpavṛtti v19.p82

Language
Sanskrit

v19.p82

cātāpakastasmin grāme nagare vā bhikṣāṃ na hiṇḍate, 'mā marukādayaḥ pradviṣṭā abhyākhyānaṃ viṣagarādi vā dadyu' iti kṛtvā | yaścātāpakasya puṣpādīnyālagayati tamapyasau sahāyo vārayati || sū. (20) no kappai niggaṃthāṇa vā niggaṃthīṇa vā sacittakamme uvassae vatthae || mū. (21) kappai niggaṃthāṇa vā niggaṃthīṇa vā acittakamme uvassae vatthae | vṛ- asya sūtrasya sambandhamāha
[bhā.2426] paḍhama-cautthavayāṇaṃ, aticāro hojja dagasamīvammi | iha vi ya huja caṃutthe, sacittakammesa saṃbaṃdho ||
vṛ-prathama caturthavratayorapkāyapāna- strīpaśasaṃsargādibhiraticāro dakasamīpe tiṣṭhatāṃ bhavediti kṛtvā tatra na tiṣṭhatītyuktam | ihāpi ca sacitrakarmaṇi pratiśraye tiṣṭhatāṃ caturthavratasyāticāro bhavediti kṛtvā tatra na tiṣṭhatītyanena pratipādyate | eṣa sambandhaḥ || prakārāntareṇa tamevāha[ bhā. 2427] no kappai jāgariyā, ciṭṭhaṇamāī payā ya dagatīre | cittagayamānasāṇaṃ, jāgari-jhāyā kuto ahavā ||
vṛ- anantarasūtre no kalpate 'jāgarikā' dharmadhyānaṃ sthānādīni ca padāni dakatīre kartumityaktam| iha tu citragatamānasānāṃ kuto jāgarikā-svādhyāyau sambhavataḥ ? ityayam ' athavā ' dvitīyaḥ sambandhaḥ || anena sambandhadvayenāyātasyāsya vyākhyā-no kalpate nirgranthānāṃ vā nirgranthīnāṃ vā 'sacitrakarmaṇi' citrakarmaṇā saṃyukta upāśraye vastum || kalpate nirgranthānāṃ vā nirgranthīnāṃ vā acitrakarmaṇi upāśraye vastumiti sūtrārtha || atha bhāṣyavistaraḥ
[bhā. 2428] niddosa sadose vā, sacittakamme u dosa āṇādī | saikaraṇaṃ vikahā vā, biiyaṃ asatīe vasahīe |
vṛ- nirdoṣe vā sadoṣe vā sacitrakarmaṇi pratiśraye tiṣṭhatāmājñādayo doṣāḥ | ye ca tāśe citrakarmakhacite veśmani pūrvaṃ bhogān bubhujire teṣāṃ smṛtikaraṇam, upalakṣaṇatvāditareṣāṃ kautukamupajāyate, vikathā vā tatra vakṣyamāṇalakṣaṇā bhavet | dvitīyapadaṃ cātra - vasatāvasatyāṃ tatrāpi vaset || athaināmeva niryuktigāthāṃ vyākhyāti
[bhā.2429] taru giri nadī samuddo, bhavaṇā vallī layāviyāṇā ya | niddosa cittakammaṃ, putrakalasa-sotthiyāī ya ||
vṛ- taravaḥ - sahakārādayaḥ, girayaḥ - himavadādayaḥ nadyaḥ - gaṅgā - sindhuprabhṛtayaḥ, samudra:lavaṇodādikaḥ, bhavanāni catuḥśālādīni gṛhāṇi, vallayaḥ - nāgavallayādayaḥ, latāḥ - mādhavī - campakalatādayaḥ tāsāṃ vitānaṃ nikurumbam, tathā pūrṇakalaśa-svastikādayaśca ye māṅgalikāḥ padārthā, eteṣāṃ rūpāṇi yatrālikhitāni taccitrakarma nirdoṣaṃ jñātavyam || atha sadoṣamāha
[bhā. 2430] tiriya-manuya-devīṇaṃ, jattha u dehā bhavaṃti bhittikayā | savikāra nivvikārā, sadosa cittaṃ havai eyaṃ ||
vṛ- 'tiryaḍ-manuja- devīnām' iti tiraścīnāṃ mānuṣīṇāṃ devīnāṃ cetyarthaḥ, etāsāṃ dehāḥ savikārā nirvikārā vā yatra bhittau kṛtāḥ- ālikhitā bhavanti etat citrakarma sadoṣaṃ bhavati |
athātraiva tiṣṭhatāṃ prāyaścittamāha

Linked texts (1)