Biha Kappa v20.p7

v20.p7

dṛṣṭvā'bhyuttiṣṭhati tathā 'nāma' iti sambhāvanāyām, sambhāvayāmyaham - naiṣa samyag 'dharme' śrutacāritrātmake sthitaḥ, anyatā kimevamenāmabhyuttiṣṭhati ? api ca- evaṃ striyā abhyuttiṣṭhan dākṣiṇyavān bhavati, dākṣiṇyapaṇyācca tasyāḥ 'vaśam' āyattatāmupaiti, tataśca brahmacaryavirādhanādayo doṣāḥ | yāstu kuliṅginyaḥ- tāpasī - 0parivrājikāprabhṛtayaḥ tāsvabhyutthīyamānāsu yathābhadrakādīnāṃ mithyātvagamanādayo doṣā bhavanti || anyatīrthikeṣu punarime doṣāḥ
4
[bhā. 4418] obhāvaṇā pavayaṇe, kutittha ubbhāvaṇā abohī ya | khiṃsiti ya tappakkhiehi gihisuvvayā baliyaṃ ||
vṛ-bhauta-bhāgavata-saugatādīnāmanyatīrthikānāmabhyutthāne pravacanasya mahatī apabhrājanā bhavatiaho ! nisāraṃ pravacanamamīṣām yadevamanyadarśanināmabhyutthānaṃ vidadhatīti | tadīyasya ca kutīrthasya ‘udbhāvanā' prabhāvanā bhavati-etadeva darśanaṃ śobhanataraṃ yadevaṃ jainā apyetavyatipannānabhyuttiṣṭhantīti| " abohī ya" tti pravacanalāghavapratyayaṃ mithyātvamohanīyaṃ karmopacitya bhavodadhau paribhraman bodhilābhaṃ nāsādayati | ye ca gṛhiṇaḥ suvratāḥ -śobhanāṇuvratadhārakāḥ suśrāvakā ityarthaḥ te 'tatpākṣikaiḥ ' śākyādapakṣapātabhirupāsakaiḥ 'balikam' atyarthaṃ khisyante - asmākameva darśanaṃ sarvottamam, bhavadīyagurūṇāmapi gauravārhatvāt ||
[bhā. 4419] ee caiva ya dosā, savisesayara'nnatitthagīsuṃ pi |
lāghava anujjiyattaṃ, tahāgayāṇaṃ avanno ya ||
vṛ- eta eva 'doṣāḥ ' pravacanāpabhrājanādayo'nyatīrthikīṣvapi bhavanti, navaraṃ 'saviśeṣatarāḥ ' śaṅkādibhirdoṣaiḥ samadhikatarā mantavyāḥ | gṛhiṇāmanyatīrthikādīnāṃ cābhyutthāne sāmānyata ime doṣāḥ, tadyathā-'lāghavam' 'etebhyo'pyayaṃ hīnaḥ' ityevaṃlakṣaṇo laghubhāva upajāyate | 'anūrjitatvaṃ' varākatvamupadarśitaṃ bhavati, tathāhi loko brūyāt - aho ! adattadānā śvānā iva varākā amī, yadevamāhārādinimittamaviratakānāmapi cāṭūni kurvanti | tathā tena yathāvasthitapadārthopalambhakātmakena prakāreṇa gataṃ jñānameṣāṃ te tathāgatāḥ' sadbhūtārthavedinaḥ tīrthakara - gaṇadharā ityarthaḥ teṣāmavarṇavādo bhavati, yathā-nāmī samyag mokṣamārgaṃ dṛṣṭavanta iti ||
atha saṃyatīnāmabhyutthāne doṣaṃ viśeṣato darśayannāha
[bhā.4420] pāyaṃ tavassiṇīo, kareṃti kiikamma mo suvihiyāṇaṃ | suttiṭṭhai vatiṇiṃ, bhaviyavvaṃ kāraṇeṇetthaṃ ||
vṛ- saṃyatīmabhyuttiṣṭhantaṃ dṛṣṭvā kaścidabhinavadharmā cintayet prāyaḥ 'tapasvinyaḥ' saṃvatyaḥ suvihitānāṃ kṛtikarma kurvanti, "mo” iti pādapūraṇe, eṣa punarvratinīmuttiṣṭhati, tad dbhavitavyamatra kāraṇeneti | evaṃ śaṅkāyāṃ caturguru, niśaṅkite mūlam | yata ete doṣāstato naiṣāmabhyutthānaṃ vidheyam | atha yeṣāmabhyutthātavyaṃ tadabhyutthānākaraṇe prāyaścittamabhidhitsurāha
[bhā.4421 ] āyarie abhisege, bhikkhummi taheva hoi khuḍḍe ya | gurugā lagā hugo, bhinne paḍiloma biieṇaṃ ||
vṛ- ācārye'bhiṣeke bhaikṣau tathaiva kṣullake ācāryādīn prāghuṇakān yathākramamanabhyuttiṣṭhati gurukā laghukā laghuko bhinnamāsaśceti prāyaścittāni | dvitīyādeśenedameva prāyaścittaṃ 'pratilomaṃ'