Vavahara v21.p179

v21.p179

vyavahāra - chedasūtram - 1-1 / 14 vṛ- tasmādanantaroditāt paṭāt paraṃ bahutaramalaṃ paṭaṃ saridādi, sarinadī, sarinadī, ādiśabdātta hṛdakūpataḍāgādiparigrahaḥ, tatragatvā śodhayanti | evaṃ sādhūnāmapyaparādhapadāni cchedādibhiḥ paryāyamaṇḍalyādirūpāt gṛhānniṣkāśanena jinādayaḥ śodhayanti | malanāṇattenetyādi dvitīyādipadeṣu yathā yathā malanānātvaṃ tathā tathā ādaṃcanaṃ | yatnanānātvamapi | ādañcanaṃ nāma gomūtrājāliṇḍikokhādi yatna ācchoṭa napiṭṭanādiṣu prayatnaḥ tannānātvamapi | tathā hi-yathā yathā malasyopacayastathā tathā bahutaragomūtrādiprakṣepo bahubahutara ācchoṭanapiṭṭanādiṣu prayatnastato bhavati | malanānātve ādañcana yatnanānātvamiva sādhūnāmapyaparādhapadeṣu rāgadveṣopacayavṛddhau māsādivṛddhistapaḥ kriyādhiśeṣavṛddhiśceti caramatṛtīyabhaṅgavyākhyānārthamāha
[ bhā. 509 ] bahuehiṃ jalakuṃḍehiṃ bahūni vatthāṇi kāni vi visujjhe | appamalāṇi bahūṇivi kāni vasijjhaṃti ekkeṇa ||
vṛ- kānicit vastrāṇi tathāvidhagāḍhamalāni bahūni bahubhirjalakuṭairviśuddhayanti | evamaparādhapadānyapi tathāvidhāni bahūni sādhūnāṃ bahubhirmāsaiḥ śuddhimāsādayanti | etena caturthabhaṅgo vyākhyātaḥ | tathā kānicit alpamalāni bahūni vastrāṇi ekena jalakuṭena śuddhayanti | evaṃ mandānubhāvakṛtāni bahūnyapi sādhūnāmaparādhapadāni ekena māsena śuddhayanti | eṣa tṛtīya bhaṃga upadarśitaḥ atra śiṣyaḥ prāharāgadveṣavṛddhivaśataḥ prāyaścittavṛddhirupalabdhā tathā kiṃ rāgadveṣahānivaśataḥ prāyaścittahānirapyupalabdhā | ācārya prāha- upalabdhā tathā caitadeva pṛcchati

jahamanne dasamaṃ seviūṇa niggacchae udasameṇaṃ | tahamanne dasamaṃ seviūṇa navameṇa niggacche ||
vṛ- ahaṃ evaṃ manye, yathā daśamaṃ prāyaścittaṃ pārāñcittaṃ pratisevya daśamena pārāñcitena prāyaścittena nirgacchati | tathā etadapi manye daśamaṃ pārāñcitaṃ sevitvā navamena anavasthāpyena prāyaścittena nirgacchati śuddhayati | ācārya āha-satyametat | daśamaṃ sevitvā daśamena śuddhayati kadācinnavamenāpi anayā gāthayā sarve'dhomukhāgamāḥ sūcitāḥ | te cāmī - daśamaṃ sevitvā mūlena nirgacchati, evaṃ ṣāṇmāsikena pāñcamāsikena cāturmāsikena traimāsikena dvaimāsikena māsikena ca vaktavyam | daśamaṃ sevitvā bhinnamāsena nirgacchati| daśamaṃ sevitvā viṃśatyā rātriṃdivairnirgacchati daśamaṃ sevitvā paṃcadaśabhīrātriṃdivairnirgacchati daśamaṃ sevitvā daśabhīrātriṃdivairnirgacchati daśamaṃ sevitvā paṃcabhīrātriṃdivairnirgacchati daśamaṃ sevitvā daśamabhaktena nirgacchati, daśamaṃ sevitvā aṣṭamena nirgacchati, daśamaṃsevitvā ṣaṣṭhena nirgacchati, daśamaṃ sevitvā pūrvārddhana nirgacchati | daśamaṃ sevitvānirvikṛtikena nirgacchati | tathā anavasthāpyaṃ sevitvā anavasthāpyena nirgacchati anavasthāpyaṃ sevitvā mūlena nirgacchati | evaṃ yāvannirvikṛtikena nirgacchati | evaṃ mūle'pi netavyam | yāvanmūlaṃ sevitvā nirvikṛtikena nirgacchati | evaṃ cchede evaṃ ṣāṇmāsike, evaṃ pāñcamāsike, evaṃ cāturmāsike, evaṃ traimāsike, evaṃ dvaimāsike, evaṃ māsike, evaṃ bhinnamāse viṃśati rātriṃdive pañcadaśarātriṃdive daśarātriṃdive pañcarātriṃdive, daśamabhakte aṣṭame ṣaṣṭe caturthe- ācāmāmle ekāśanake pūrvārddha nirvikṛtikecagamā vaktavyāḥ, | tathā ete'pi gamādraṣṭavyāḥ | sūtrasya sūcakatvāt nirvikṛtikaṃ sevitvā tenaiva nirvikṛtikena śuddhayati | nirvikṛtikaṃ sevitvā pūrvārddhana nirgacchati | evaṃ yāvaccarameṇa pārāñcitena nirgacchati | tathā pūrvārdha sevitvā pūrvārdhena nirgacchati | pūrvārdhaṃ sevitvā ekāśanena nirgacchati yāvaccarameṇa