Vavahara v21.p245

v21.p245

vyavahāra - chedasūtram - 1-1/20 - bhikṣuḥ kṣullakaḥ sthaviro'bhiṣekaḥ ācāryasteṣāmeva krameṇa vyavasthitānāṃ pañcānāmapi grahaṇamidaṃ vakṣyamāṇaṃ saṃyogagamaṃ saṃyogato'nekaprakāraṃ vakṣyāmi | pratijñāmeva nirvāhayatitaruṇe nippannaparivāre saladdhie jeya hoti abbhāse | abhiseyaṃmi cauro sesāṇaṃ paṃca ceva gamā ||

vṛ- yadi śaktistataḥ pañcāpi yugapannistārayet | tadaśaktāvekaikahānyā yāvadekaṃ bhikṣu so'pi yadekastaruṇo'paraśca sthaviraḥ tadā taruṇo nistāraṇīyaḥ | dvayostaruṇayorataruṇayorvā niṣpanno dvayorniṣpannayoraniṣpannayorvāsaparivāraḥ dvayoḥ saparivārayoraparivārayoryāsalabdhikaḥ dvayoḥ salabdhikayoralabdhikayorvā yo bhavatyabhyāse samīpe sa nistāraṇīyaḥ | ete pañca gamā bhikṣau bhavanti abhiṣekagamāścatvāro niṣpannatayā tasya niṣpannāniṣpannagamābhāvāt | śeṣāṇāṃ tu kṣullakasthavirācāryāṇāṃ ca bhikṣoriva pañcaiva gamāḥ | tatra bhikṣukādikramakaraṇe kāraṇamāha

asahaṃte paccā taraṇaṃmi, māhojja savvapatthāro |
khuḍḍo bhīru nukaṃpa aso ghāyassa theroya || gaṇi āyariyāu sahū dehavioeu sāhasavivajjī | eme va bhaṃsamivi udinnavedotti nāṇattaṃ ||

vṛ- bhikṣavo'hi yadi rājñā piṭṭayitumārabhyante tadā te kiñcidagītārthatvenāsahamānāḥ pratyāstarayeyuḥ| pratyāstaraṇaṃ nāma saṃmukhībhūya yuddhakaraṇaṃ | tato'sahamāne jātāvekavacanaṃ | ṣaṣṭhayartheca saptamī | asahamānānāṃ pratyāstaraṇe pratikūlamabhimukhībhūyastaratvakaraṇe mā sarvaprastāraḥ samastasaṅghopadravo bhūyāt| kimuktaṃ bhavati ? mā gāḍhataraṃ pradviṣṭaḥ san rājā sarvamapi saṅghamupadravet | anena kāraṇena piṭṭanadvāre bhikṣuḥ prathamamupāttaḥ, tadanantaraṃ kṣullakaḥ sa hi bālatvādbhīruranukampyaśca | tataḥ sa dvitīyasthāne sthāpitaḥ | tadanantaraṃ sthaviro yataḥ sthaviratvenāṅgapratyaṅgānāṃ ślathībhūtatayā ghātasya piṭṭanasyāsahaḥ gaṇi āyariyāu sahū ityādi gaṇī gacchādhipatirācārya ācāryapadārha etau dvāvapi sahau samartho ghātasyeti sambadhyate | api ca dehaviyoge'pi dehabhraṃśe api tuśabdo'piśabdārthe sādhvasavivarjitau avimṛśya pravṛttiḥ sādhvasaṃ tadvivarjitau saṃmukhībhūya yuddhapradānalakṣaṇasādhvasarahitāviti bhāvaḥ | tataḥ sthavirānantaraṃ tau dvāvapi upāttī tatrāpyabhiṣekādatiśayena saho gacchādhipatirityabhiṣekānantaraṃ gaṇina upādānaṃ evamevetyādi bhraṃśanasaṃyamacyāvanadvāre'pyevameva anenaivaprakāreṇa bhikṣukādikramakaraṇe kāraṇamabhidhānīyaṃ, navaraṃ bhikṣudīrṇavedo'pi saṃbhavatīti nānātvaṃ | kimuktaṃ bhavati ? yadi bhikṣostaruṇatayā pracuramohanīyodayatayā utpravājanamanukūlaṃ bhavet | tataḥ sa kṣipramutpravrajediti prathamaṃ bhikṣugrahaṇaṃ, tadanantaraṃ kṣullakādikramakaraṇe prayojanaṃ prāguktamavasātavyam etacca lāghavāya prastāvāduktaṃ saṃpratyadhikṛta eva piṭṭanadvāre sādhvīnāṃ nistāraṇa vidhimāhaḥ- bhikkhuṇī khuṭṭītherī, abhisegāya pavattinīceva; karaṇaṃ tāsiṃ iṇamo, saṃjogagamaṃ tu vocchāmi || bhikṣukī kṣullikā sthavirā abhiṣekāpravarttinī ca etāsāmevaṃ kramopanyāse kāraṇa sādhuviṣaye pāguktamevāvasātavyam | tāsāṃ pañcānāmapi karaṇaṃ nistāraṇakaraṇamidaṃ vakṣyamāṇaṃ saṃyogagamaṃ vakṣyāmi | pratijñātameva nirvāhayati

taruṇī unipphannā parivāra saladdhiyā ya abbhāse | abhiseyāe cauro sesāṇaṃ paṃca ceva gamā ||