Vavahara 4.108

4.108

āyariya-uvajjhāe ohāyamāṇe annayaraṃ vaejjā–ajjo! mamaṃsi ṇaṃ ohāviyaṃsi samāṇaṃsi ayaṃ samukkasiyavve| se ya samukkasaṇārihe samukkasiyavve, se ya no samukkasaṇārihe no samukkasiyavve|
atthiyāiṃ ttha anne kei samukkasaṇārihe se samukkasiyavve, natthiyāiṃ ttha anne kei samukkasaṇārihe se ceva samukkasiyavve| taṃsi ca ṇaṃ samukkiṭṭhaṃsi paro vaejjā– dussamukkiṭṭhaṃ te ajjo! nikkhivāhi| tassa ṇaṃ nikkhivamāṇassa natthi keī chee vā parihāre vā|
je taṃ sāhammiyā ahākappeṇaṃ no uṭṭhāe viharaṃti savvesiṃ tesiṃ tappattiyaṃ chee vā parihāre vā|