Nisiha v15.p445

v15.p445

suttatthapalimaṃtho, ya pasaṃgo, naṭṭe hiya-vissariehiṃ ya adhitī bhavati | [bhā.2177] bitiyapadamaṇappajjhe, asatīe dubbale ya paḍipunne |
. etehiṃ kāraṇehiṃ, saṃbaddhaṃ kappatī kāuṃ || cū- egammi paese dubbalaṃ, tāhe paḍisavaḍiṃ kareṃti, apaḍipuṇṇaṃ vā tena veḍhettā hatthapūrimaṃ kareṃti|
etehiṃ kāraṇehiṃ tathaiva thiggalakāreṇaṃ saṃbaddhaṃ kareti, jena egapaḍilehaṇā bhavati || mū. (385) je bhikkhū rayaharaṇaṃ avihīe baṃdhati, baṃdhataṃ vā sātijati || cū-avasavvādi avidhibaṃdho| mū. (386) je bhikkhū rayaharaṇaṃ eka baṃdhaṃ deti deṃtaṃ vā sātijjati || cū-egabaṃdho egapāsiyaṃ| mū. (387) je bhikkhū rayaharaṇassa paraṃ tiṇhaṃ baṃdhāṇaṃ dei, deṃtaṃ vā sātijjati || cū-tipāsitāto paraṃ caupāsiyādi | āṇādiṇo ya dosā| bahubaṃdhane sajjhāyajhāṇe ya palimaṃtho ya bhavati | etesiṃ tiṇha vi suttāṇa imo attho| [bhā.2178] tiṇhuvari baṃdhāṇaṃ, ḍaṃḍa-tibhāgassa heṭṭha uvariṃ vā |
doreṇa asariseṇa va saṃtaraṃ baṃdhaṇāṇādī|| cū-daṃḍatibhāgassa jati heṭṭhā baṃdhati, uvari vā baṃdhati, asariseṇa vā doreṇa atajjāieṇa baṃdhato vā saṃtaraṃdoraṃ kareti to āṇātiyā dosā, savvesu māsalahuṃ ||
jamhā ete dosā[bhā.2179] tamhā tipāsiyaṃ khalu, daṃḍatibhāge u sarisadoreṇaṃ |
rayaharaṇaṃ baṃdhejā, padāhiṇa niraṃtaraṃ bhikkhū|| [bhā.2180] bitiyapadamaṇappajjhe, baṃdhe avikovite va appajjhe|
jāṇate vā vi puṇo, asatī annassa dorassa || cū-annāsati tajjātiyassa|| mū. (388) je bhikkhū rayaharaṇaṃ anisaṭuṃdhareti, dharetaṃ vā sātijati || cū-anisaṭuṃ nāma titthakarehiṃ adinnaṃ, tassa māsalahuṃ āṇādiṇo ya dosā| - nijuttī imā[bhā.2181] dave khette kāle, bhāve ya cauvvidhaṃ tu anisaṭuṃ |
bitio vi ya āeso, jaṃna vi dinnaṃ gurujaṇeṇaṃ || [bhā.2182] paṃcatirittaṃ davve u, accitaṃ dullabhaṃ ca dosuṃtu|
bhāvammi vannamollā, ananunnāyaṃ vajaṃ guruṇā || cū-davvato paṃcaṇhaṃ airittaṃ-uṇṇiyaṃ uṭṭiyaṃ saṇa vaccaya bhuṃja-piccaṃ vā | etesiṃ paṃcaṇhaṃ parato nāmunnātaṃ, "dosu" khetta-kālesu jaṃ accittaṃ dullabhaṃ vā taṃ nāmunnātaṃ,