Nisiha v17.p14

v17.p14

modago na bhavissati, taṃ jai eyaṃ atthaṃ jāṇasi appo te vayo bahuo te āya tti tā majjha dehi tti, mā mujjhāhi | tena rakkhapāleṇasādhū pūjito ||
[bhā. 4519] lābhita nito puṭṭho, kiṃ laddhaṃ natthi bhāṇe pecchāmo | itaro vi āha nāha, demi tti sahoḍha corattaṃ ||
cū- sādhū paḍilābhito nipphiḍaṃto goṭṭhigaihiṃ āgacchamāṇehiṃ diṭṭho, puṭṭho ya - "kiṃ laddhaṃ" ? sādhū bhaṇai - “na me laddhaṃ” ti | goṭṭhiyā bhaṇaṃti - “appaṇī pecchao bhāyaṇaṃ" ti | sādhū- nadāe tti | balāmoḍīe diṭṭaṃ, modagāṇaṃ bhariyaṃ bhāyaṇaṃ | “kena te dinnaṃ ? " ti | sādhū bhaṇati - “rakkhāpelaṇa me dinnaṃ” | goṭṭhī sādhuṃ ghettuṃ tattha gatā | rakkhapālo bhīto bhaṇati - “nāhaṃ demi” tti | evaṃ sāhussa sahoḍhaṃ corattaṃ bhavati || sahoḍhacoratte ya
[bhā. 4520] geṇhaṇa kaḍḍaṇavavahāro pacchakaḍḍuḍḍāha tuha ya nivvisae | apabummi bhave dosā, pahummi dinne tato gahaṇaṃ ||
cū- appabhudinne ete kaḍhaṇādiyā dosā bhavaṃti | pabhudinna geṇhato dosā na bhavaṃti || [ bhā. 4521] emeva ya jaṃtammi vi, saṃkhaḍikhīre ya āvaṇādīsuṃ |
99
sāmaṇṇaṃ paḍika, kappati ghettuṃ anunnātaṃ ||
cū-evaṃ jaṃtādiesu ete ceva dosā bhavaṃti, tamhā sāmaṇṇaṃ sāmātiehiṃ ananunnāyaṃ na ghettavvaṃ | sāmāiyaṃ ceva aṇunnāyaṃ kappati ghettuṃ || codagāha - “pādādhikāre patthue kīyagaḍādibhattādiehiṃ kiṃ bhaṇiehiṃ ? pādaṃ caiva vattavvaṃ" | ācāryāha
[bhā. 4522] kāmaṃ pātadhikāro kīyāhaḍamaggaṇā taha vi etthaṃ | pātammiviesa gamo, jo ya viseso sa viṇṇeo ||
cū- savvaṃ pādadhikāro patthuo tahāvi piṃḍo bhaṇṇati puvvapasiddhīo | ahavā jo caiva bhatte kīya gaḍādisu gamo so deva pāde vi gamo nāyavvo, jo puṇa viseso so nāyavvo sabuddhīe bhāṇiyavvoya ||
[bhā. 4523] acchejja' nisaṭṭhāṇaṃ, gahaṇamaṇunnāe hoti nāyavvaṃ | egataraṃ gehaṃte, dosā te taṃ ca bitiyapadaṃ ||
cū- acchi anisaṅkaṃ ca puvvasāmiṇā anunnātaṃ ghettavvaṃ, na dosā | aha egataraṃ pi anunnātaṃ gehati to dosā puvvuttā | bitiyapade ananunnātā vi geṇhejja asivādiesu kajjesu, na dosā || mū. (867) je bhikkhū atiregapaḍiggahaṃ gaṇi uddisiya gaṇiṃ samuddisiya taṃ gaṇi anāpucchiya anāmaṃtiya annamannassa viyarai, viyaraṃtaṃ vā sātijjati ||
cū- atiregajñāpanārthamidamucyate
[bhā. 4524] do pāyā'ṇunnātā, atiregaṃ taiyagaṃ ca māṇāto | chinnesu va paribhaṇitā, sayaṃ ca geṇhaṃti jaṃ joggaṃ ||
cū-do pādāṇi titthakarehiṃ anunnātāṇi-paḍiggaho mattago ya | jati tatiyaṃ pādaṃ geṇhati to atireyaṃ bhavati | ahavā - jaṃ pamāṇappamāṇaṃ bhaṇiyaṃ tato jati vahutaraṃ geṇhati, evaṃ atiregaṃ bhavati | ahavā - imeṇa prakāreṇa atiregaṃ havejja - te sādhū pādāti maggāmo tti saṃpaṭṭhitā |