Nisiha v17.p7

v17.p7

niśītha-chedasūtram -3-14/863 cū-nimmalāphullā, sugaṃdhagaṃdheakkhibharaṇaguliyāpaṃcavanniyā dhotitāpottā, etebhikkhanimittaṃ deti | tahā tividhe gilāṇosaḍhe, agilāṇe gilāṇabhūte gilāṇe vā | agilāṇībhūte uḍḍāho bhavati | aha pauṇo to bhaṇati - bhikkhinimittaṃ cāhuṃ kareti | asaṃjayassa dinne pannatte vā adhikaraṇaṃ, ettha āyadavvakae caulahuṃ | imaṃ parabhāvakīya[bhā.4477] vatiyādī maṃkhamādī, parabhāvakato tu saṃjayaṭṭhāe|
uppāyaṇā nimaṃtaṇa, kīyakaḍe abhihaḍe ṭhavite|| cū-vatiyā goulaṃ |ma kho sejjātaro | so saṃjayaṭṭhā bhāvakīyaṃ bhāveṇa uppādaṇā | nimaṃtito bhaṇāti -tubbhaṃ ciya pāse acchau tāva | ettha tinni dosā - kīyakaḍaṃ abhihaḍaṃ ṭhaviyaṃ ca ||
etīe gāhāe imaṃ vakkhāṇaṃ[bhā.4478] sāgāriyamaṃkhachaṃdaṇa, paḍiseho puccha bahugae varise |
kayariṃ disiṃ gamissaha, amuī taha saṃthavaṃ kuṇati|| cū-egattha gāme sāhū vāsaṃ ṭhitā | tattha ya maṃkho sejjātaro | so bhikkhaṃ giṇhaha tti nimaṃteti| sejjātarapiṃḍo paḍisiddho | tāhe so maṃkho bahuvolīṇe vāse āyariyaṃ pucchati | tāhe āyariehiṃ kahiyaṃ- amhe pabhāyadivase amugaṃ disiṃ viharissāmo | tāhe so maṃkho taṃ disiṃ gaṃtuṃ vaiyāe maṃkhattaṇeṇa maṃkhaphalakahattho gao|suhaṃdukkhaṃ dhammaṃ kaheṃto saṃthavaṃ kareti|tāhe jejaṇā tuṭṭhāghayanavanīya-dahi-khīrādi deti || tāhe so[bhā.4479] dijaṃte paḍiseho, kajje ghecchaṃ nimaṃtaṇa jaīṇaṃ |
puvvagao āgaesuṃ, saṃchubhai egagehammi|| cū-paḍisedheti, bhaṇati ya uppanne kajje dhecchāmi tti | tassevaṃ sādhū udakkhaṃtassa āgayā| tāhe te sādhū gāmabāhiṃ bhaṇāti-imā vaiyā sagorasā velaṃ karehi tti nimaṃteti | sāhūhaṃ acchiyaṃ| so puvvagato vaiyāe āgatesu sādhūsu khīra-dahimādiyaṃ puvvuppādiyaṃ egammi ghare saṃchumati | sabve te ya bhaṇiyā - dejjaha sādhūṇaṃ | sādhū ya bhaṇāti - amugaṃ gihaṃ sagorasaṃ tattha vaccaha | gato sādhū | jaṃ maṃkheṇa uppātiyaṃ taṃ dinnaṃ | evaṃ parabhāvakīyaṃ | ittha māsalahuṃ | sādhubhāvakīyaṃ imaṃ[bhā.4480] dhammakahi vādi khamae, etto ātāvae sue ṭhāṇe|
jātī kulagaṇakamme, sippammi va bhāvakīyaṃ tu|| cū- “dhammakahi"tti asya vyākhyā[bhā.4481] dhammakahāto'hijjati, dhammakahā''uṭṭiyāṇa vā giṇhe|
kahayaṃti sāhavo ciya, tumaṃ va kahi acchate tusiṇī|| cū- labhatthī dhammakahā ahijjati, tattha aladdhe vi bhāvakato bhavati | dhammeṇa vā kahiteṇa āuṭṭā dititesahatthā to geṇhati|ahavā-pucchito “tumaṃsodhammakahī?" tāhebhaṇati “sāhavo cciya kahayaṃti|' ahavā - bhaṇāti “āmaṃ|" ahavā - tusiṇīto acchati ||ahavā - bhaṇejjā[bhā.4482] kiṃ vā kahejja chārā dagasoyariyā va kiṃ va gāratthā|
kiṃ chagalayagalavalayā muṃḍakuḍuṃbīya kiṃ kahite|| cū- kimiti kṣepe| chāratti bhoyā, parivvāyagā dagasoyarī, gāratthā gihavāsavādinaḥ jaṃṇe