Mahanisiha 3.503

3.503

(1) ahavā ciṭṭhau tāva sesavāgaraṇaṃ, goyamā
(2) eyaṃ ceva dhammatitthaṃkare tti nāma-sannihiyaṃ pavarakkharuvvahaṇaṃ tesimeva sugahiyanāma-dhejjāṇaṃ bhuvaṇekka baṃdhūṇaṃ arahaṃtāṇaṃ bhagavaṃtāṇaṃ jiṇavariṃdāṇaṃ dhammatitthaṃkarāṇaṃ chajje, na annesiṃ,
(3) jao ya negajammaṃtara'bbhattha- mahovasama- saṃvega- nivveyānukaṃpā- atthittābhivattīsa- lakkhaṇa-pavara-samma-ddaṃsaṇullasaṃta-viriyānigūhiya-ugga-kaṭṭha-ghora-dukkara-tava
(4-5) niraṃtarajjiya-uttuṃga-punna- khaṃdha-samudaya-mahapabbhāra- saṃviḍhatta- uttama-pavara- pavitta-vissa-kasiṇa- baṃdhu-nāha- sāmisāla- anaṃta-kāla- vatta-bhava-bhāva chinna-bhinna- pāvabaṃdhanekka-abiijja -titthayara-nāmakamma- goyanisiya- sukaṃta- ditta- cāru-ruva- dasa-disi- payāsa-niruvamaṭṭha-lakkhaṇa-sahassamaṃḍiyajaguttamuttama-siri nivāsa-vāsavāi-deva-manuya-diṭṭha-mettata-kkhaṇaṃta-karaṇa-lāiya-camakka-nayaṇa-māṇasāula-mahaṃta-vimhaya-pamoya-kāraya
(6) asesa-kasiṇa-pāvakamma- mala-kalaṃka- vippamukka- samacauraṃsa-pavara-vara- paḍhama-vajja-risabha-nārāya-saṃghayaṇāhiṭṭhiya-parama-pavittuttama-muttidhare
(7) te ceva bhagavaṃte mahāyase mahāsatte mahānubhāge parameṭṭhī-saddhamma-titthaṃkare bhavaṃti| annaṃ ca–