Mahanisiha 3.595

3.595

(1) evaṃ sa suttatthobhayattagaṃ cii-vaṃdaṇā-vihāṇaṃ ahijjettā ṇaṃ tao supasatthe sohaṇe tihi-karaṇa-muhutta-nakkhatta-joga-lagga-sasī-bale|
(2) jahā sattīe jaga-gurūṇaṃ saṃpāiya-pūovayāreṇaṃ paḍilāhiyasāhuvaggeṇa ya, bhattibbhara-nibbhareṇaṃ, romaṃca-kaṃcupulaijjamāṇataṇū saharisavisaṭṭa vayaṇāraviṃdeṇaṃ, saddhā-saṃvega-vivega-parama-veragga-mūlaṃ viṇihaya-ghanarāga-dosa-moha-micchatta-mala-kalaṃkeṇa
(3) suvisuddha-sunimmala-vimala-subha-subhayara'nusamaya-samullasaṃta-supasatthajjhavasāyagaeṇaṃ, bhuvaṇa-guru-jiyaṇaṃda paḍimā viṇivesiya-nayana-mānaseṇaṃ anannaṃ-māṇasegagga-cittayāe ya|
(4) dhanno haṃ punno haṃ ti jina-vaṃdaṇāi-sahalīkayajammo tti ii mannamāneṇaṃ, viraiya-kara-kamalaṃjaliṇā, hariya-taṇa-bīya jaṃtu-virahiya-bhūmīe nihiobhaya-jāṇuṇā, supariphuḍa-suviiya-nīsaṃka jahattha-suttatthobhayaṃ pae pae bhāvemāṇeṇaṃ|
(5) daḍhacaritta-samayannu-appamāyāi-anega-guṇa-saṃpaovaveeṇaṃ, guruṇā saddhiṃ sāhu -sāhuṇi-sāhammiya asesa-baṃdhu-parivagga-pariyarieṇaṃ ceva, paḍhamaṃ ceie vaṃdiyavve|
(6) tayaṇaṃtaraṃ ca guṇaḍḍhe ya sāhuṇo ya|
(1) tahā sāhammiya-jaṇassa ṇaṃ jahā-sattīe paṇāvāe jāe ṇaṃ sumahaggha mauya-cokkha-vattha-payāṇāiṇā vā mahā-sammāṇo kāyavvo|
(2) eyāvasarammi suviiya-samaya-sāreṇaṃ guruṇā pabaṃdheṇaṃ akkheva-vikkhevāiehiṃ pabaṃdhehiṃ saṃsāra-ṇivveya-jananiṃ saddhā saṃvuguppāyagaṃ dhamma-desaṇaṃ kāyavvaṃ|